«Chaču pakazać dziaržavie, što jana daremna śpisała mianie ŭ raschod». Pajšoŭ vajavać eks-režysior «Jerałaša», asudžany za piedafiliju
Eks-režysior dziciačaj prahramy «Jerałaš» Illa Biełastocki, asudžany pa spravie ab raspusnych dziejańniach u dačynieńni da 13-hadovaha chłopčyka, zavierbavaŭsia na vajnu va Ukrainu. Pra heta vydańniu MSK1.RU raskazała jaho siastra.
«Jon padpisaŭ kantrakt ź Minabarony, pajšoŭ dzieści ŭ kastryčniku. Na suviaź jon vychodzić vielmi redka», — raskazała siastra Biełastockaha Darja.
U supołcy ŭ padtrymku režysiora va «Ukantakcie» źjaviłasia i jahonaje ŭłasnaje paviedamleńnie ź niekatorymi padrabiaznaściami. Biełastocki prezientuje siabie jak «šarahovaha bajca SVA» i vysakaparna tłumačyć svaju matyvacyju:
«Ja chaču majoj maci i maim rodnym viarnuć mahčymaść mnoj hanarycca, — napisaŭ Biełastocki. — Ja chaču nie słovami, a spravaj, učynkam adkazać tym hadam, jakija ŭpiakli mianie za kraty. I tym ściarviatnikam, jakija ablili brudam majo imia i rastaptali honar majoj siamji.
Ja chaču pakazać dziaržavie, što jana daremna śpisała mianie ŭ raschod. A zvyčajnym ludziam, jakija žyvuć u joj, što daremna mianie praklali. Kali ja nikomu nie patrebny ŭ režysiorskim kreśle, mahčyma, ja spatreblusia choć by ŭ akopie».
Były režysior paraŭnoŭvaje svoj učynak «pa hradusie adčaju» z charakiry, jakija rabili sabie samurai pa japonskaj tradycyi.
Raniej Biełastockaha asudzili na 14 hadoŭ pazbaŭleńnia voli z adbyvańniem pakarańnia ŭ papraŭčaj kałonii strohaha režymu za spakušeńnie 13-hadovaha aktora, jaki z 5 na 6 listapada 2018 hoda znachodziŭsia ŭ kvatery Biełastockaha ŭ Maskvie. Pa viersii śledstva, padletak znachodziŭsia ŭ biezdapamožnym stanie.
Paźniej termin i artykuł źmianili. Maskoŭski haradski sud pierakvalifikavaŭ abvinavačvańnie na častku 2 artykuła 135 (raspusnyja dziejańni ŭ dačynieńni da asoby, jakaja dasiahnuła dvanaccacihadovaha ŭzrostu, ale nie dasiahnuła čatyrnaccacihadovaha ŭzrostu) i źmiakčyŭ pakarańnie da 6,5 hoda ŭ kałonii ahulnaha režymu. Siadzieć jamu zastavałasia jašče kala 4,5 hoda.
Za ŭdzieł u vajnie z Ukrainaj Pucin pamiłavaŭ sachalinskaha ludajeda
Zavierbavaŭsia na vajnu i vyjšaŭ na volu rasijski satanist, jaki rasčlaniaŭ padletkaŭ. Siadzieć jon musiŭ jašče 7 hadoŭ
Pucin pamiłavaŭ zabojcu kiemieraŭskaj studentki. Toj zabivaŭ dziaŭčynu try hadziny, naniosšy 111 traŭmaŭ, a adsiadzieŭ mienš za hod
Kamientary