«U Budanava jość cełaja kalekcyja takich idyjockich rašeńniaŭ RF» — HUR Ukrainy prakamientavała abviaščeńnie ŭ vyšuk svajho šefa
Hałoŭnaje ŭpraŭleńnie raźviedki Ukrainy nazvała abviaščeńnie Kiryły Budanava ŭ rasijski vyšuk «čarhovym pakazčykam efiektyŭnaj pracy».
Pa słovach pradstaŭnika viedamstva Andreja Jusava, šukać jakuju-niebudź łohiku ŭ dziejańniach rasijskich siłavikoŭ nie varta, a čarhovaje abviaščeńnie ŭ vyšuk Kiryły Budanava — heta padtrymka prapahandy.
«U Budanava jość cełaja kalekcyja takich idyjockich rašeńniaŭ RF. Heta čarhovy pakazčyk efiektyŭnaj pracy raźviedki i Budanava asabista.
Hałoŭnaje rašeńnie napieradzie — heta rašeńnie mižnarodnaha trybunała adnosna dziejańniaŭ rasiejskich vajskovych złačyncaŭ», — skazaŭ Jusaŭ.
U čaćvier stała viadoma, što Rasija abviaściła ŭ vyšuk Kiryłu Budanava — jaho kartka źjaviłasia ŭ bazie danych MUS RF.
Pryčyny nie nazyvajucca, chacia jašče ŭ pačatku kastryčnika rasijski SK vystaŭlaŭ Budanavu i inšym ukrainskim vajskoŭcam zavočnyja abvinavačvańni ŭ ździajśnieńni teraktaŭ.
Raniej Rasija abvinavačvała kiraŭnika HUR u stvareńni terarystyčnaj supolnaści, terakcie, učynienym hrupaj asob i zachoŭvańni zbroi i ŭzryŭčatki. U krasaviku 2023 hoda jon byŭ zavočna aryštavany.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii15
Kamientary