U Administracyi prezidenta ZŠA prakamientavali, što kadravyja rašeńni va ŭkrainskim vojsku prymajuć ukrainskija ŭłady.
«Urad ZŠA nie pavinien tak ci inakš ŭmiešvacca ŭ hetaje pytańnie. Tamu my trymajemsia ŭ baku ad hetych kadravych rašeńniaŭ», — skazaŭ u intervju CBS daradca prezidenta ZŠA ŭ nacyjanalnaj biaśpiecy Džejk Salivan.
Prymać kadravyja rašeńni — prava Kijeva i prezidenta Ukrainy, adznačyŭ jon. Pa słovach Salivana, ZŠA dali zrazumieć Zialenskamu, što nie źbirajucca ŭdzielničać u hetym rašeńni — zvalniać ci nie Załužnaha.
Raniej The Washington Post pisaŭ, što ŭkrainskija ŭłady prainfarmavali administracyju ZŠA ab rašeńni zvolnić Załužnaha. Pradstaŭniki Biełaha doma nie padtrymali i nie zapiarečyli hetamu, zajaviŭšy, što heta suvierenny vybar prezidenta Uładzimira Zialenskaha.
«Zialenski jašče nie vydaŭ aficyjnaha ŭkazu, jaki abviaščaje pra adstaŭku Załužnaha, i nieviadoma, kali heta moža adbycca. Papiaredniaje paviedamleńnie Vašynhtonu adlustroŭvaje ŭpłyvovuju rolu ZŠA jak samaha mahutnaha vajskovaha i palityčnaha zastupnika Ukrainy. Rańniaje papiaredžańnie taksama dało Biełamu domu mahčymaść pierakanać Zialenskaha pierahledzieć klučavoje rašeńnie, navat niahledziačy na toje, što jon vyrašyŭ nie rabić hetaha», — havoryłasia ŭ artykule.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary