Źniščalniki nie dalaciać, BTRy nie dajeduć. Što z anansavanymi pastaŭkami ŭ Biełaruś rasijskich uzbrajeńniaŭ?
U niadzielu telekanał VajenTB apublikavaŭ intervju namieśnika ministra abarony pa ŭzbrajeńni Andreja Fiedzina. Padčas jaho čynoŭnik raskazaŭ pra vajskovuju techniku, jakaja maje pastupić na ŭzbrajeńnie biełaruskaj armii ŭ 2024 hodzie. Pry hetym, jak zaŭvažyła manitorynhavaja hrupa «Biełaruski Hajun», pra niekatoryja ŭzory techniki, pastaŭka jakich raniej anansavałasia biełaruskimi vajskoŭcami, Fiedzin ničoha nie skazaŭ.
Čatyry samaloty-źniščalniki Su-30SM
28 studzienia 2024 hoda namieśnik kamandujučaha VPS i vojskami SPA RB u intervju raskazaŭ pra mierkavanaje abnaŭleńnie parku źniščalnaj avijacyi. Pa słovach čynoŭnika, «u ahladnaj pierśpiektyvie my skončym abnaŭleńnie parku našaj źniščalnaj avijacyi, tamu što samalot MiH-29 padychodzić da miažy, kali (jaho) resurs budzie vypracavany». Jašče raniej paviedamlałasia, što ŭ 2023 hodzie VPS RB atrymajuć čatyry rasijskija źniščalniki Su-30SM, adnak pastaŭka nie adbyłasia.
U toj ža čas Andrej Fiedzin u svaim intervju nie zhadvaŭ pra pastaŭku źniščalnikaŭ Su-30SM. Składana pavieryć, što pra zakupku takoha (nie)šarahovaha ŭzbrajeńnia čynoŭnik moh prosta zabycca. Z hetaha «Biełaruski Hajun» robić vysnovu, što 2024 hod nie źjaŭlajecca «ahladnaj pierśpiektyvaj» dla pastaŭki Su-30SM u RB. Raniej pieradača novych partyj źniščalnikaŭ užo nieadnarazova pieranosiłasia.
Bataljonny kamplekt BTR-82A
Uzbrojenyja siły Biełarusi ŭ 2021-2023 hadach atrymali try bataljonnyja kamplekty BTR-82A rasijskaj vytvorčaści. U kancy studzienia 2023 hoda paviedamlałasia, što «ŭ najbližejšy čas» i na ŭzbrajeńnie adnaho z bataljonaŭ 103-j pavietrana-desantnaj bryhady pavinny pastupić BTR-82A, adnak pastaŭka nie adbyłasia.
Andrej Fiedzin pra pastaŭku BTR-82A ŭ vojski ŭ intervju nie zhadvaŭ. Miarkujučy pa ŭsim, braniatechnika ciapier bolš patrebnaja rasijskim vajskoŭcam.
Pakul praciahvajucca vyprabavańni BTR Volat-V2 (jakija ŭ pierśpiektyvie pavinny zakuplacca dla US RB), a mahčymaści zakuplać BTR-82A niama, Ministerstva abarony vyrašyła adnavić zakupki BTR-70MB1. Heta biełaruskaja madernizacyja BTR-70, vykananaja 140-m ramontnym zavodam. Bataljonny kamplekt BTR-70MB1 u 2018 hodzie byŭ pieradadzieny 103-j pavietrana-desantnaj bryhadzie. Taksama BTR znachodziacca na ŭzbrajeńni 38-j desantna-šturmavoj bryhady.
U apošnija hady publična nie paviedamlałasia pra płany pa dalejšym uzbrajeńni padraździaleńniaŭ VS RB BTR-70MB1. Ale za adsutnaściu inšych varyjantaŭ, mabyć, vyrašyli viarnucca da madernizacyi BTR-70. Prynamsi, da taho času, pakul nie daviaduć da ładu Volat-V2.
Kamplekt ATRK «Iskander-M»
U žniŭni 2023 hoda ŭ Biełaruś prybyła druhaja viadomaja partyja ATRK «Iskander-M». Tady adznačałasia, što heta nie apošniaja pastaŭka techniki dla VS RB.
Ale, miarkujučy pa ŭsim, hetaja pastaŭka (pakul) usio ž taki apošniaja: Andrej Fiedzin nie zhadvaŭ pra pieradaču novych «Iskanderaŭ» biełaruskim vajskoŭcam.
Jak možna zaŭvažyć, pa ŭsich troch pieraličanych pazicyjach vajskovaj techniki isnuje niavyznačanaść u dačynieńni da budučych pastavak. I kali adsutnaść sučasnych bronietransparcioraŭ atrymajecca tak-siak zamianić, to z novymi źniščalnikami situacyja značna horšaja.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary