Ivan Padrez raskazaŭ, kaho KDB prasoŭvała na «Pieśniu hoda Biełarusi»
Były televiadučy, a ciapier błohier Ivan Padrez u novym vypusku tok-šou «Žyćcio-malina» padzialiŭsia pohladam na prajekt «Pieśnia hoda» na biełaruskim telebačańni i raskazaŭ pra niekatoryja abstaviny jaho stvareńnia.
Na pohlad Ivana Padreza, jaki ŭ svoj čas pracavaŭ na ANT redaktaram dyrekcyi śpiecprajektaŭ, z prajekta «Pieśnia hoda Biełarusi» možna było zrabić niešta adekvatnaje. Ale prablema była ŭ tym, što ŭdzielnikaŭ na jaho prasoŭvali roznyja ludzi i struktury.
Padrez patłumačyŭ, što spačatku na padstavie infarmacyi, atrymanaj ad rydyjostancyj, składaŭsia papiaredni płej-list. «A potym pačynałasia telefanavańnie: «Voś takaja dziaŭčynka jość. Treba…».
Padrez zhadvaje, što ŭ prasoŭvańni vykanaŭcaŭ u śpis udzielničaŭ navat KDB:
«Z KDB telefanavali kiraŭnictvu: «Voś chłopiec — Rusłan Bierazoŭski». Tam admović niemahčyma było. Tamu «Pieśnia hoda Biełarusi» i atrymlivałasia takoj, skažam, eklektyčnaj».
Nahadajem, prajekt «Pieśnia hoda Biełarusi» źjaviŭsia na biełaruskim telebačańni ŭ pačatku 2000-ch hadoŭ i rehularna vychodziŭ da pačatku 2020 hoda. Paśla trochhadovaha pierapynku byŭ adnoŭleny ŭ 2023 hodzie.
Śpiavak Rusłan Bierazoŭski pačynaŭ svaju karjeru z vykanańnia pieśniaŭ u styli šanson. U prajekcie «Pieśnia hoda Biełarusi» śpiavak prymaŭ udzieł niekalki razoŭ (u 2017 i 2018 hodzie). Ciapier jon adznačany miedalom Francyska Skaryny.
Čytajcie jašče:
Chto hetyja prapahandysty z telebačańnia, kamu ŭłady asabista vynieśli padziaki za pracu
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary