MZS Biełarusi adkazała Jeŭrasajuzu na zakliki vyzvalić palitviaźniaŭ i spynić ich katavańni
Ministerstva zamiežnych spraŭ Biełarusi apublikavała razhornuty kamientar u suviazi z šeraham zajavaŭ Jeŭrasajuza, u tym liku adkazała na zakliki vyzvalić palitźniavolenych.
«Adchilajem hałasłoŭnyja abvinavačvańni ES u niejkim śpiecyjalnym režymie adbyvańnia pakarańniaŭ dla asobnych hramadzian Biełarusi, losy jakich pryciahvajuć asablivuju ŭvahu ŭ zachodnich palityčnych kołach tolki z pryčyny ich palityčnych prychilnaściaŭ. U dačynieńni da ŭsich hramadzian Respubliki Biełaruś, jakija adbyvajuć pakarańni za ŭčynienyja kryminalnyja złačynstvy, jak i ŭ luboj krainie ES, prymianiajucca bieź jakoj-niebudź dyskryminacyi patrabavańni adpaviednych zakonaŭ ab režymach vykanańnia pakarańniaŭ. Usie źniavolenyja atrymlivajuć nieabchodnaje miedycynskaje i inšaje sadziejničańnie ŭ paradku i abjomach, vyznačanych zakonam, — piša MZS.
Patrabavańni vyzvalić palitviaźniaŭ MZS nazvała taksama «biezhruntoŭnymi».
«Biezhruntoŭnyja publičnyja patrabavańni ES ab vyzvaleńni niejkich asobnych asob, asudžanych u adpaviednaści z nacyjanalnym zakanadaŭstvam kampietentnym sudom pa abvinavačańni va ŭčynieńni kryminalnych złačynstvaŭ, na padstavie palityčnych pieravah jeŭrapiejskich uradaŭ i palitykaŭ prymušajuć usumnicca ŭ sapraŭdnaj prychilnaści Jeŭropy pryncypu viaršenstva prava», — havorycca ŭ paviedamleńni.
Taksama MZS pryhraziła novymi kryminalnym pieraśledam u dačynieńni da apanientaŭ Alaksandra Łukašenki z-za čarhovych sankcyj ES.
«Novyja niezakonnyja abmiežavalnyja miery, jakija ŭvodziacca suprać Biełarusi, zjaŭlajucca pradmietam vyvučeńnia pravaachoŭnych orhanaŭ i mohuć stać lehitymnaj padstavaj dla novych kryminalnych spraŭ u dačynieńni da asob, jakija ich inicyjavali, u tym liku ŭžo asudžanych za padobnyja złačynstvy, jakija adnak usio jašče ŭchilajucca za miažoj ad adbyćcia pakarańnia», — pahražaje MZS.
Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ ułady.
Zhodna ź infarmacyjaj pradstaŭnika Abjadnanaha pierachodnaha kabinieta Paŭła Łatuški, z 2020 hoda represii zakranuli 136 tysiač čałaviek.
U turmach pamierli 5 palitviaźniaŭ.
«Kali sprava abmiažujecca «hłybokimi spačuvańniami», to takija žudasnyja naviny buduć źjaŭlacca pastajanna» — Cichanoŭskaja
«Mnie tolki chočacca, kab jana vyžyła». Siastra Maryi Kaleśnikavaj — pra hod biez suviazi ź joj
«Pražyć 6 hadoŭ vyhladaje składanaj zadačaj». Ryhor Kastusioŭ dasłaŭ list z-za krataŭ
Kamientary
Nastupit dień, kohda ja piśmienno i s familijami izłožu pieriečień pytok i osoboho ko mnie otnošienija, nie hovoria užie o prieśledovanii pri połnom otsutstvii viny. I ja takoj nie odin. Nas - tysiači.
Eti ubludki u vłasti dumajut, čto eto vsio budiet viečno?...
Au.. haulajtiery i policai - my vas jeŝie vsiech nieprijatno udivim. nie lejtie potom ruċjami ślozy.