Pra pačatak znosu histaryčnaha budynka paviedamiŭ telehram-kanał Urban Hrodna, publikujučy fota ź miesca padziei svajho padpisčyka.
Byłyja kazarmy na vulicy Ščorsa ŭ Hrodnie («Alaksandraŭskija kazarmy») da znosu zachavalisia ŭ aryhinalnym vyhladzie, što vielmi redkaja ŭ Biełarusi źjava. Jany ličylisia adnym z najstarejšych vajskovych haradkoŭ na terytoryi Biełarusi. Kazarmy achoŭvalisia jak šarahovaja histaryčnaja zabudova, fasady mianiać u ich było zabaroniena.
Urban Hrodna adznačaje, što raniej pra znos budynkaŭ byłych kazarmaŭ havorki nie viałosia — ich źbiralisia pierarabić pad elitnaje žytło.
«My ŭpeŭnienyja, što ŭ vyniku ŭ nas atrymajecca stvaryć pa-sapraŭdnamu cikavy i zapaminalny varyjant rekanstrukcyi», — kazaŭ pradstaŭnik zabudoŭščyka z Bresta «Paleśsiežyłbud».
Prajekt pierabudovy kazarmaŭ abmiarkoŭvali ŭ listapadzie 2022 hoda. Pavodle jaho, aŭtentyčnyja vokny źbiralisia pašyrać. Takija źmieny musili mocna skazić architekturny vyhlad budynkaŭ XIX stahodździa, ale ŭrešcie prajekt zaćvierdzili.
Letam 2023 hoda pačalisia budaŭničyja raboty: budynki abharadzili i stali čyścić ad budaŭničaha śmiećcia. Vosieńniu 2023 hoda źjaviŭsia novy prajekt, u jakim pavialičyłasia kolkaść pavierchaŭ i kvater.
Ciapier ža, padobna, razam z aŭtentyčnymi voknami vyrašyli źniščyć i ŭvieś aŭtentyčny budynak.
Chto i jak źniščaje histaryčny Brest — rasśledavańnie
Pieršuju ŭ Biełarusi piešachodnuju vulicu rekanstrujujuć
Na aŭkcyjon za adnosna nievialikija hrošy vystavili siadzibu XIX stahodździa, jakoj vałodała lehiendarnaja biełaruskaja miecenatka
Psichuška, muraŭjoŭki, piramida. U Biełarusi źjavilisia novyja pomniki architektury
Kamientary
połovymorhanam sprosiť za carskije kazarmy s ich hrodnienskich kolleh Karanika i Chmiela.