Biełaruskija chirurhi praviali ŭnikalnuju płastyčnuju apieracyju chłopčyku z redkim zachvorvańniem
Jarasłaŭ Skvarko naradziŭsia z defarmacyjaj čerapa, jakaja ŭźnikaje, kali kostki ŭ niemaŭlaci zaŭčasna zrastajucca pamiž saboj. Jon byŭ adzinym takim dziciom va ŭsioj krainie. U toj čas apieracyju pa vypraŭleńni formy čerapa chłopčyku pravieści nie mahli, bo nie było śpiecyjalista. Ale ciapier situacyja źmianiłasia.
Tady chłopčyku z baćkami pryjšłosia jechać u daśledčy centr niejrachirurhii ŭ Maskvie. Pieršaja apieracyja doŭžyłasia dzieviać hadzin. Čerap chłopčyka drabnili i źbirali pa-novamu, jak pazł. Ale heta byŭ tolki pieršy krok.
Tady razam ź siamjoj Skvarko ŭ Maskvu adpravilisia i biełaruskija lekary na navučańnie. A niadaŭna ŭžo jany na bazie minskaj 4-j dziciačaj balnicy praviali Jarasłavu novuju apieracyju na tvary.
«Na praciahu troch hadzin chirurhi litaralna pieratvarajuć rabro Jarasłava ŭ nos, dalej — pakryvajuć tkankami. Praz toje, što vypadak unikalny, dakładnaha płana niama i być nie moža. Jość tolki stratehija, jakuju adaptujuć pad fizičnyja asablivaści chłopčyka», — raskazali ŭ efiry ANT.
Napieradzie ŭ padletka jašče niekalki chirurhičnych umiašańniaŭ. Śpiecyjalisty ŭpeŭnienyja, što hetyja namahańni dapamohuć dziciaci stać bolš sacyjalna adaptavanym i zabycca pra kryvyja pozirki ŭ svoj bok.
Biełaruskija chirurhi adnaŭlajuć tvar mužčynu, na jakoha ŭpała plita. Na ruce jamu vyraścili nos — šakujučaja historyja
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
U BDU raspracavali ajčynnyja survetki dla spynieńnia kryvacioku
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ55
Kamientary