U paŭnočnaj častcy Maskvy ŭzarvaŭsia aŭtamabil Toyota Land Cruiser Prado.
Vybuch «nieŭstanoŭlenaj pryłady» adbyŭsia pad usiedarožnikam na Karovinskaj šašy. Pažaru nie było, piša «Novaja hazieta».
SK RF raspačaŭ kryminalnuju spravu paśla incydentu. Apieratyŭnyja słužby ahladajuć miesca zdareńnia. Pa infarmacyi «112», rasśledavańnie viadziecca pa artykule ab zamachu na zabojstva.
ŚMI pišuć, što aŭtamabilem vałodaŭ były padpałkoŭnik SBU Vasil Prozaraŭ, jaki niekalki hadoŭ žyvie ŭ Maskvie.
Vybuch adbyŭsia paśla taho, jak kiroŭca zavioŭ ruchavik usiedarožnika.
U jaho traŭmy noh, jaho špitalizavali. Niekalki mašyn, jakija stajali pobač, atrymali paškodžańni ad askiepkaŭ.
Siarod mierkavanych pryčyn zdareńnia razhladajuć vybuch samarobnaj bomby ci praryŭ padziemnaj hazavaj truby. U dvary, dzie stajała mašyna, vialisia hazavyja pracy.
U 2019 hodzie Vasil Prozaraŭ pravioŭ pres-kanfierencyju ŭ Maskvie, na jakoj jon zajaviŭ, što z krasavika 2014 hoda da svajoj adstaŭki supracoŭničaŭ z rasijskimi ŭładami.
Taksama jon śćviardžaŭ, što ŭ katastrofie małajzijskaha «Boinha» pad Danieckam vinavatyja ŭkrainskija ŭłady, a za zabojstvam Mataroły i Hivi stajać ukrainskija śpiecsłužby.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary