Deputatu ad «Alternatyvy dla Hiermanii» pahražaje vialiki štraf. Jon utaiŭ svoj biznes u Biełarusi
Pradpryjemstva nazyvajecca «Cybulka bieł».
Deputat parłamienta Saksonii ad pravaradykalnaj «Alternatyvy dla Hiermanii» («AdH») Jorh Dornau z 2020 hoda zarehistravany jak uładalnik sielskahaspadarčaha biznesu ŭ Biełarusi. Jaho pradpryjemstva možna znajści ŭ Adzinym dziaržaŭnym rejestry Biełarusi pad nazvaj TAA «Cybulka Bieł», piša Bild.
Kampanija apracoŭvaje niekalki sotniaŭ hiektaraŭ u Lidskim rajonie Hrodzienskaj vobłaści. «Cybulka Bieł», akramia harodniny, vyroščvaje taksama bachčavyja kultury i karniapłody.
Vieści taki biznes deputatam pa zakonach Hiermanii nie zabaroniena, adnak Dornau nie ŭkazaŭ svajo pradpryjemstva ŭ dekłaracyi, jakuju padavaŭ administracyi ziamielnaha parłamienta. Zhodna z rehłamientam łandtaha Saksonii, kožny deputat pavinien dać spravazdaču ab svaim biznesie i inšych pracach.
Na sajcie ziamielnaha parłamienta paznačana tolki kampanija Dornava ź jaho rodnaha horada Borna niedaloka ad Lajpcyha. Ni pra jakija kampanii, zarehistravanyja ŭ Biełarusi, deputat nie zajaŭlaŭ.
«Dornau nie paviedamlaŭ parłamientu nijakaj infarmacyi pra jakuju-niebudź pradprymalnickuju dziejnaść u Biełarusi. Paśla adpaviednaha paviedamleńnia ad Welt am Sonntag kiraŭnik parłamienta ziamli paprasiŭ spadara Dornau prakamientavać situacyju», — zajaviła pradstaŭnica parłamienta Iva Kłate na pytańnie Bild.
U vypadku, kali parušeńnie rehłamientu budzie dakazana, Dornau moža atrymać bujny štraf. U horšym vypadku jamu daviadziecca vypłacić bolš za 40 tysiač jeŭra.
Sam Dornau pakul što nie kamientuje situacyju.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?9
Kamientary
kotoryj živiot v Hiermanii.Vot vam śviaź i ahientura Putina v Hiermanii.