U Bychavie da realnaha terminu prysudzili syna piśmieńnika Siarhieja Antonava
19 krasavika sud Bychaŭskaha rajona abviaściŭ prysud Arciomu Antonavu, synu viadomaha piśmieńnika, aŭtara knih ź sieryi «Mietro 2033» Siarhieja Antonava, piša MAYDAY TEAM.
Sudździa Uładzimir Žołudzieŭ pryznaŭ jaho vinavatym u abrazie Łukašenki i pryznačyŭ pakarańnie ŭ vyhladzie 1 hoda i 6 miesiacaŭ pazbaŭleńnia voli va ŭmovach ahulnaha režymu. Padrabiaznaściaŭ spravy niama.
Arciom Antonaŭ byŭ zatrymany ŭ siaredzinie śniežnia 2023 hoda ŭ Bychavie. Spačatku mužčynu ŭziali pa administracyjnaj spravie. Zatym doma ŭ syna piśmieńnika prajšoŭ pieratrus, była kanfiskavanaja technika, a samomu Arciomu Antonavu vystavili abvinavačvańnie za «abrazu Alaksandra Łukašenki» (art. 368 KK RB).
Kryminalnaja sprava Arcioma Antonava supała pa časie ź pieraśledam siłavikami jaho baćki — Siarhieja Antonava, jaki byŭ vymušany pakinuć Biełaruś z-za pahrozy kryminalnaj spravy za supracoŭnictva z sajtami 6TV i Mahiloŭ miedyja.
«My ŭsio znojdziem, usio dakažam, i pojdziecie vy na 7 hadoŭ». Bychaŭski piśmieńnik-fantast raskazaŭ, jak jaho plažyli za supracu z rehijanalnymi ŚMI
Alaksiej Baciukoŭ z Mahilova raskazaŭ pra aryšty KDB, sutki ŭ izalatary i sproby vierbavańnia
Prapahandysty źniali film pra zatrymańni ŭ Mahilovie. Pryjšli i da viadomych asob
Niepaŭnaletnim stvaryŭ «ekstremisckaje farmavańnie» i źjechaŭ za miažu. Historyja mahiloŭskaha bajanista
Kamientary