Bolš škodziać zvyčajnym biełarusam, čym režymu Łukašenki. Ofis Cichanoŭskaj prakamientavaŭ zabaronu Litvy ŭvozić pradukty
Daradca Śviatłany Cichanoŭskaj pa ekanamičnych pytańniach Aleś Alachnovič prakamientavaŭ novyja abmiežavańni ŭładaŭ Litvy suprać impartu pradukcyi ź Biełarusi i Rasii. U śpisie zabaronienaj pradukcyi apynułasia bolš za 2800 pazicyjaŭ, siarod ich — žyvyja žyvioły, miasa i subpradukty, ryba, małako i pradukty ź jaho, jajki, naturalny miod, raśliny, harodnina, sadavina, kava, ziernievyja, krupy, masła, napoi, tytuniovyja vyraby i inšyja pradukty.
Pavodle słoŭ Alachnoviča, u 2023 hodzie impart Litvy ź Biełarusi i Rasii dasiahnuŭ histaryčnaha minimumu. Vilnia impartavała ź Biełarusi tavaraŭ na sumu $302 młn, što adpaviadała 0,6% impartu krainy. Padsankcyjnyja tavary — heta treciaja častka ad ukazanaha impartu. U suviazi z tym, što hety impart mizerny ŭ maštabach usioj Litvy, to naŭrad ci takija kroki daduć niejkuju palohku dla litoŭskich kampanijaŭ.
«Mienavita tamu abmiežavańni majuć palityčny, a nie ekanamičny charaktar. Heta praciah paśladoŭnaj palityki cisku suprać režymu Łukašenki i Pucina.
Na žal, u dadzienym vypadku abmiežavańni ŭžo zakranuli nie tolki impart u pramysłovych maštabach, ale i zvyčajnych hramadzian, jakija viazuć z saboj pradukty charčavańnia dla asabistych metaŭ, a časam i inšyja tavary, takija jak leki, jakich nie było ŭ sankcyjnym śpisie», — kaža Alachnovič.
Pavodle jaho słoŭ, takija dziejańni bolš škodziać zvyčajnym biełarusam, čym režymu Łukašenki.
«Abmiežavańni ŭ adnosinach da fizičnych asobaŭ — heta pamyłka, i my budziem źviartacca da litoŭskaha boku z prapanovaj pierahledzieć pracu mytnaj słužby», — kaža jon.
Jak paviedamlaje «Pozirk», učora pradstaŭniki Ofisa kamunikavali z pradstaŭnikami ŭładaŭ Litvy i źviarnuli ŭvahu na situacyju na miažy. «Atrymali kanstruktyŭnuju reakcyju», — skazaŭ hałoŭny daradca Cichanoŭskaj Franak Viačorka.
Ofis Śviatłany Cichanoŭskaj «vielmi spadziajecca», što sankcyi na ŭvoz ahrapramysłovaj pradukcyi fizičnymi asobami ź Biełarusi ŭ Litvu buduć «źmiakčanyja abo ŭdakładnienyja».
Pamiežny pierachod u Babroŭnikach pakul adkryvać nie buduć — Sikorski
Litva ŭskładniaje vyvaz aŭtamabilaŭ u Biełaruś, kab ich nie pierapradavali ŭ Rasiju
U Litvu bieź ježy, napojaŭ i cyharet. Što adbyvajecca z uvozam biełaruskich tavaraŭ u Litvu?
Uviadzieńnie bufiernaj zony na polska-biełaruskaj miažy adkładajecca
Kamientary
A ofisnym biezdielnikam kabinieta T diełať i tak niečieho kromie putiešiestvij po vsiemu śvietu ŝa sčiet Litvy, tak oni za vsie podriad chvatajutsia čtoby babki otrabotať. Pomohitie łučšie obyčnym ludiam jezdiť čieriez hranicu biez košmarnych očieriediej, a nie stojať iz za ordy kontrabandistov sutkami čtoby k rodstvieńnikam sjezdiť.
Brali by primier s Zielenskoho, kotoryj choť i maksimalno zavisim ot Zapada, no nie boiťsia nazyvať vieŝi svoimi imienami