Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki
Vyrašyć hetuju prablemu mohuć tolki F-16 ci ŭdary ŭhłyb terytoryi RF.
Da takoj vysnovy pryjšli ekśpiert Bild pa analizie adkrytych danych Juljan Ropkie i aŭstryjski palitołah Hustaŭ Karł Hresiel, piša Bild.
Pa ich danych, ciapier dva kompleksy SPA Patriot abaraniajuć nieba nad Kijevam, pa adnym — Lvoŭ i Adesu (žoŭtym na karcie).
Na dniach krainy NATA paabiacali pastavić Ukrainie try novyja Patriot, a taksama franka-italjanskija ZRK FSAF SAMP/T. Na dumku ekśpiertaŭ, ich mohuć nakiravać na abaronu Dniapra, Kryvoha Roha, Vińnicy i budučaj bazy F-16 na zachadzie Ukrainy (zialonym na karcie).
Pry hetym ich nie zmohuć vykarystoŭvać u Mikałajeŭskaj, Chiersonskaj, Zaparožskaj, Danieckaj, Charkaŭskaj, Čarnihaŭskaj i Sumskaj abłaściach, heta značyć zanadta blizka da linii frontu (čyrvonym na mapie).
Tam raźvita rasijskaja raźviedka dronami, vialikaja vierahodnaść vyjaŭleńnia i źniščeńnia zachodnich kompleksaŭ SPA rasijskaj zbrojaj.
Vyrašyć hetuju prablemu mohuć tolki F-16 ci ŭdary ŭhłyb terytoryi RF, jakich pakul niama. Hresiel taksama adznačyŭ, što Patriot i SAMP/T nie spałučajucca adzin z druhim, u ich roznaje PA.
Tamu ŭ vypadku vychadu sa stroju adnoj ź sistem inšaja nie zmoža jaje zamianić abo abaranić. U adroźnieńnie ad pary Patriot i niamieckaj Iris-T, jakija ŭzajemadapaŭniajuć adzin adnaho.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»3
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary