U 41 hod pamior viadomy rasijski repier-nacyjanalist, jaki padtrymaŭ vajnu. Pišuć pra samahubstva
Miša Mavašy stvaryŭ nacyjanalistyčny ruch «Paŭnočny čałaviek», padtrymlivaŭ rasijskaje ŭvarvańnie va Ukrainu i dapamahaŭ rasijskaj armii.
Pra śmierć Mavašy ŭ jaho kanale paviedamiŭ jaho paplečnik.
«Vymušany z sumam paviedamić, što ŭ nas adbyłasia trahiedyja. Michaił Fiodaravič Mavašy siońnia ŭnačy, u noč z 24 na 25 kastryčnika, pamior u vyniku niaščasnaha vypadku. Padrabiaznaściaŭ pakul nijakich paviedamlać nie budziem. Raźbirajemsia ŭ situacyi. Usie ŭ šoku», — skazaŭ paplečnik Mavašy na videa.
Sapraŭdnaje imia repiera — Michaił Nic. Jon byŭ zasnavalnikam i vakalistam hurta «MAVAŠI group». U apošnija hady jon byŭ viadomy nie tolki muzykaj, ale i nacyjanalistyčnaj dziejnaściu. U 2022 hodzie Mavašy zasnavaŭ ruch «Paŭnočny čałaviek». Jon nazyvaŭ jaho etničnym abjadnańniem dla zhurtavańnia ruskich ludziej. Ruch maje vyraznuju ksienafobskuju i antymihranckuju skiravanaść. Arhanizacyja dziejničaje pry padtrymcy siłavikoŭ i miascovych rasijskich uładaŭ.
Paśla pačatku poŭnamaštabnaha ŭvarvańnia Mavašy publična padtrymlivaŭ vajnu suprać Ukrainy i źbiraŭ hrošy dla rasijskich vajskoŭcaŭ. Va Ukrainie jaho zavočna asudzili na vosiem hadoŭ turmy za finansavańnie ahresii.
Šyrokuju viadomaść Mavašy atrymaŭ na miažy 2010‑ch hadoŭ jak vykanaŭca tak zvanaha «ZOŽ-repu» i «turnikmien-muzyki». Jaho treki prapahandavali admovu ad ałkaholu i kureńnia i zaniatki sportam.
U 2016 hodzie braŭ pierapynak u karjery praz prablemy z narkatyčnaj zaležnaściu.
Jamu byŭ 41 hod. Pryčyna śmierci pakul aficyjna nie paviedamlajecca.
ŚMI pišuć, što Mavašy moh učynić samahubstva, zastreliŭšysia z ahniastrelnaj zbroi. Viadoma, što ranieńnie mužčyna atrymaŭ užo ŭ siabie doma, jamu vyklikali chutkuju dapamohu, dastavili ŭ reanimacyju, ale vyratavać nie zmahli.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec114
Kamientary
Očień prohrieśsivno )))
Nu i maksim s nim"
Et tiebie na nadhrob́je, čieł, biespłatno, nie błahodari. Kobzonu s Horškom priviet.