U honar biełaruskaha bajca nazvali vulicu va ŭkrainskim Kanatopie
Ivan Marčuk zahinuŭ dva hady tamu ŭ bajach pad Lisičanskam.
U honar zahinułaha bajca Pałka Kalinoŭskaha Ivana Marčuka «Bresta» nazvanaja vulica ŭ Kanatopie Sumskaj vobłaści, paviedamlaje Połk Kalinoŭskaha ŭ svaim telehram-kanale.
Ivan «Brest» Marčuk zahinuŭ dva hady tamu, 26 červienia 2022 hoda, pad Lisičanskam.
Tady bataljon «Vołat» Pałka Kalinoŭskaha braŭ udzieł u bajach pad Lisičanskim. Tam hrupa biełarusaŭ sutyknułasia z kałonaj rasijskich vojskaŭ i dała boj.
«Nakryli ŭsich. Častka biełarusaŭ razam z «Brestam» prykryła adychod inšaj hrupy, «Bresta» surjezna paraniła ŭ nahu i hałavu, u hetym bai jon źniščyŭ jak minimum adzin tank», — raskazvaŭ «Našaj Nivie» adzin sa śviedkaŭ boja.
Apošnim paviedamleńniem zahinułaha Ivana Marčuka było: «Na nas jedzie tank. Adpracavaŭ pa im».
Kamientary