Premjer Vienhryi prahnazuje ŭzmacnieńnie vajennaha kanfliktu ŭ najbližejšaj budučyni.
U rasparadžeńnie Bild trapiŭ list, napisany Viktaram Orbanam jak premjer-ministram krainy — staršyni Rady ES. Jon adrasavany kiraŭniku Jeŭrarady Šarlu Mišelu.
Vienhierski premjer pieradaŭ jamu «karotkuju acenku niadaŭnich pieramovaŭ ź lidarami Ukrainy, Rasii, Kitaja, Turcyi i prezidentam Donaldam Trampam, a taksama niekatoryja prapanovy na razhlad».
List na 1,5 staronki A4 składajecca ź dziesiaci punktaŭ. «U cełym možna zaŭvažyć, što intensiŭnaść vajennaha kanfliktu radykalna ŭzmocnicca ŭ najbližejšaj budučyni», — piša Orban.
Jon zaklikaje:
— Pravieści pieramovy z Kitajem ab «mirnaj kanfierencyi» pa Ukrainie.
— Adnavić dypłamatyčnyja adnosiny z Rasijaj.
— Pravieści «palityčny nastup» na krainy Hłabalnaha Poŭdnia, u vačach jakich ES «straciŭ pavahu da našaj pazicyi pa vajnie va Ukrainie».
Zatym jon krytykuje Džo Bajdena: «Dziejny prezident prykładaje vialikija namahańni, kab zastacca ŭ pieradvybarnaj honcy. Vidavočna, jon nie zdolny źmianić biahučuju palityku ZŠA, jakaja sadziejničaje vajnie, tamu nielha čakać, što jon inicyjuje novy kurs».
Pa słovach Orbana, hetaha zmoža damahčysia Donald Tramp.
«Ja mahu <..> z upeŭnienaściu skazać, što paśla pieramohi na vybarach jon nie budzie čakać inaŭhuracyi, a adrazu budzie hatovy dziejničać u jakaści mirnaha pierahavorščyka. U jaho jość na toje padrabiaznyja i abhruntavanyja płany. <..> Ja bolš čym pierakanany, što ŭ vypadku pieramohi prezidenta Trampa finansavy ciažar pamiž ZŠA i ES, kali havorka idzie ab finansavaj padtrymcy Ukrainy, istotna źmienicca nie na karyść ES».
Jeŭrakamisija bajkatuje staršynstva Vienhryi ŭ ES
Orban adpraviŭ usim lidaram krain ES svoj płan urehulavańnia va Ukrainie
Orban: Situacyja vidavočnaja — Pucin i Rasija ŭvarvalisia va Ukrainu. Ale Rasiju niemahčyma pieramahčy
Zialenski patłumačyŭ, čamu nie pahadziŭsia na prapanovu Orbana ab spynieńni ahniu
Viktar Orban anansavaŭ «novy siurpryz» na paniadziełak
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary
Tramp šče nie prezident. Ci tak napisana ŭ Orbana, ci vy śpiašajeciesia.