U pieršy dzień Alimpijady na joj vystupili čatyry biełarusy. Pośpiechi pieramiennyja
U pieršy dzień paśla adkryćcia Alimpijady na joj pačali vystupać čaćviora ź siamnaccaci spartsmienaŭ ź Biełarusi, jakija majuć na hetych Hulniach niejtralny status. Jany pradstaŭlali try vidy sportu.
Vieślary Jaŭhien Załaty i Taćciana Klimovič praviali papiarednija zajezdy ŭ akademičnym viesłavańni.
Jaŭhien Załaty pieramoh u svaim zajeździe na dystancyi 2000 m u spabornictvie łodak-adzinočak, pakazaŭšy čas 6 chvilin 51,45 siekundy. Heta dazvoliła jamu prajści ŭ čverćfinał, jaki adbudziecca 30 lipienia.
Taćciana Klimovič u anałahičnych spabornictvach siarod žančyn stała druhoj z vynikam 7:34.31, sastupiŭšy tolki spartsmiency ź Litvy Viktoryi Siankucie. Hetaha taksama chapiła dla vychadu ŭ 1/4 finału, jaki taksama projdzie 30 lipienia.
Illa Šymanovič u spabornictvach płyŭcoŭ na dystancyi 100 m brasam u papiarednim zapłyvie zaniaŭ druhoje miesca z vynikam u 59,25 siekundy i vyjšaŭ u paŭfinał. Adnak na hetym jahonyja pośpiechi i skončylisia: pakazanych u paŭfinale 59,45 siekundy dla vychadu ŭ finał nie chapiła.
Urešcie, ravarystka Hanna Cierach u honcy z raździelnym startam na šašy zaniała tolki 29-je miesca z 35-ci ŭdzielnic, pakazaŭšy vynik 44:57.20 na dystancyi ŭ 32,4 km. Alimpijskaj čempijonkaj tut stała Hrejs Braŭn z Aŭstralii.
Końnica Volha Safronava, jakaja vystupaje za Polšču, na Alimpijadu znoŭ nie trapiła
Sacsietki vybuchnuli paśla sprečnaha epizodu na adkryćci Alimpijskich hulniaŭ
Zavajavany pieršy załaty miedal Alimpijady
A vy viedajecie, što ŭ Minsku taksama prajšli Alimpijskija hulni? I navat zapalili alimpijski ahoń
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary