Źniščalnik F-16 amierykanskaj vytvorčaści raźbiŭsia va Ukrainie — WSJ
Zhodna z paviedamleńniem amierykanskaha boku, pryčynaj stała pamyłka piłota.
Jak paviedamlaje The Wall Street Journal, u paniadziełak, 26 žniŭnia, usiaho praź niekalki tydniaŭ paśla taho, jak pieršyja źniščalniki F-16 amierykanskaj vytvorčaści prybyli va Ukrainu, adzin ź ich raźbiŭsia.
Pa słovach amierykanskaha čynoŭnika, na jakoha spasyłajecca vydańnie, pa pieršapačatkovych źviestkach, samalot nie byŭ źbity varožym ahniom, chacia incydent adbyŭsia padčas masiravanaha rakietnaha abstrełu Rasijaj. Chutčej za ŭsio, pryčynaj krušeńnia stała pamyłka piłota.
Raniej Uładzimir Zialenski zajaviŭ, što na hetym tydni Ukraina ŭpieršyniu vykarystała źniščalniki F-16 dla źbivańnia rasijskich rakiet padčas rasijskich udaraŭ.
Vydańnie adznačaje, što ŭ VPS Ukrainy nie paćvierdzili ni fakt krušeńnia, ni status piłota. Pientahon pieraadrasavaŭ pytańni da VPS Ukrainy.
Jak adznačaje vydańnie, navina ab tym, što adzin ź niamnohich ukrainskich F-16 byŭ źniščany, surjozny ŭdar pa Kijevie, jaki maliŭ ab samalotach na praciahu niekalkich miesiacaŭ, pierš čym prezident Bajden narešcie daŭ zialonaje śviatło jeŭrapiejskim krainam na pieradaču samalotaŭ u minułym hodzie.
4 žniŭnia Zialenski abjaviŭ, što pieršy z 80 abiacanych F-16 prybyŭ va Ukrainu. Ukrainskija vajenna-pavietranyja siły nie pradstavili ličbaŭ, ale druhi amierykanski čynoŭnik, ź jakim parazmaŭlali žurnalisty vydańnia, skazaŭ, što ŭsiaho prybyło šeść samalotaŭ, i va Ukrainy jość šeść piłotaŭ, navučanych lotać na ich.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary