Litaraturnyja pieravahi zaležać i ad uzrostu.
Namieśnik hienieralnaha dyrektara, dyrektar pa navucy i infarmacyjnych technałohijach Nacyjanalnaj biblijateki Biełarusi Alaksandr Babuk raspavioŭ žurnalistam, jakija knihi i aŭtary źjaŭlajucca samymi papularnymi siarod biełarusaŭ, piša BiełTA.
«Pradstaŭniki Instytuta sacyjałohii NAN Biełarusi kožny hod pravodziać daśledavańni pa sacyjałohii čytańnia, dzie sprabujuć zrazumieć: ci čytajuć biełarusy knihi, kali tak, to jakija, i jakija ŭ ich čytackija pieravahi. Kali paraŭnoŭvać z savieckim časam, to ciapier ludzi čytajuć mienš i radziej naviedvajuć biblijateki.
Samym čytanym piśmieńnikam źjaŭlajecca Uładzimir Karatkievič, na druhim miescy Vasil Bykaŭ.
Bolšaść biełarusaŭ addaje pieravahu mastackaj litaratury, na druhim miescy navukova-papularnaja i vučebnaja litaratura. Zychodziačy z dadzienych hetych daśledavańniaŭ, Biełaruś zastajecca čytajučaj krainaj. Tak, čytaje mienš, čym 40-50 hadoŭ tamu, ale ŭsio ž taki čytaje», — skazaŭ Alaksandr Babuk.
Jon padkreśliŭ, što kali dzicia bačyć svaich baćkoŭ z knihaj u rukach, to chutčej za ŭsio jon taksama budzie zachaplacca čytańniem.
Pavodle jaho słoŭ, litaraturnyja pieravahi zaležać i ad uzrostu. Pažyłyja ludzi addajuć pieravahu miemuarnaj litaratury, a maładyja — naadvarot, čytajuć vielmi vialikuju raznastajnaść žanraŭ. «Kali kazać pra žanry, to, viadoma, našy ludzi čaściej čytajuć kłasičnuju litaraturu, pakolki hust da jaje pryščaplajuć i ŭ siamji, i ŭ škole, i ŭ VNU. Ale kali sučasnyja aŭtary mohuć začapić i pahavaryć pra važnaje, tady kniha pryciahvaje novych čytačoŭ».
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy30
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary