U Homieli prachodzić apieracyja dastaŭki žycharoŭ Alešak va Ukrainu
Biełaruski bok aficyjna dałučyŭsia da humanitarnaj apieracyi ŭ pryfrantavym horadzie Aleški la Chiersona, piša BiełTA.
Na biełaruskuju terytoryju ŭžo prybyli pradstaŭniki rasijskaha i ŭkrainskaha bakoŭ, jakija ŭdzielničajuć u humanitarnaj apieracyi.
Ukrainskaja delehacyja na čale z upaŭnavažanym Viarchoŭnaj rady pa pravach čałavieka Dźmitryjem Łubincom prybyła ŭ punkt propusku «Novaja Huta» ŭ Homielskim rajonie.
Jak paviedamlałasia raniej, žycharoŭ akupavanych Rasijaj Alešak, jakija chočuć vyjechać na padkantrolnuju Kijevu terytoryju, pavinny dastavić praz Anapu i biełaruski Homiel. Maršrut prapisany ŭ pahadnieńni ab spynieńni ahniu. Homiel i rajon i raniej nieadnarazova vykarystoŭvaŭsia dla rasijska-ŭkrainskich abmienaŭ.
Damoŭlenaść ab režymie cišyni była dasiahnutaja na minułym tydni pry pasiarednictvie žonki prezidenta ZŠA Miełanii Tramp i Papy Lva XVI, jaki paprasiŭ ab hetym padčas asabistych telefonnych razmoŭ z prezidentami Uładzimiram Zialenskim i Uładzimiram Pucinym.
Aleški, akupavanyja rasijskimi vojskami, znachodziacca na levym bierazie Dniapra, nasuprać Chiersona, jaki kantralujecca USU i raźmieščany na pravym bierazie. Kijeŭ i Maskva abvinavačvajuć adzin adnaho ŭ abstrełach horada i zajaŭlajuć pra humanitarnuju katastrofu. Dastaŭlać pradukty charčavańnia jaho žycharam vielmi składana.
Pavodle źviestak vałancioraŭ, na vosień 2026 hoda ŭ Aleškach zastajecca kala paŭtary tysiačy čałaviek, u tym liku prykładna 40 dziaciej. Kali ŭličvać susiednija vioski, kolkaść žycharoŭ składaje kala šaści tysiač čałaviek, siarod jakich prykładna 200 dziaciej.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy6
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary