Biełaruś choča adkryć sumiesnuju z Rasijaj vytvorčaść na zavodzie Stadler
Zavod z-za sankcyj nie moža vyrablać ciahniki, adnak šviejcarskaja kampanija zajaŭlała, što nie pakidaje Biełaruś.
Ministr transpartu i kamunikacyj Biełarusi Alaksiej Lachnovič zajaviŭ, što ŭrad choča adkryć sumiesnuju z Rasijaj vytvorčaść na zavodzie Stadler pad Minskam.
Pavodle jaho słoŭ, pytańnie ab mahčymaj bujnavuzłavoj zborcy matorvahonnaha ruchomaha sastavu ŭžo prapracoŭvajecca, piša «Sputnik».
«Stvaryć sumiesnaje niejkaje tavarystva dla taho, kab adnavić vytvorčaść na Stadler… z dvuma pradpryjemstvami, bujnymi karparacyjami (z Rasii) hetaje pytańnie prapracoŭvajecca», — skazaŭ Lachnovič na sumiesnym pasiadžeńni dźviuch pałat parłamienta.
Vice-premjer Anatol Sivak zajaviŭ, što Stadler źjaŭlajecca biełaruskim pradpryjemstvam.
«Upeŭnieny, što my budziem i dalej jeździć na ruchomym sastavie, jaki budzie vyrablać heta biełaruskaje pradpryjemstva», — adznačyŭ namieśnik kiraŭnika ŭrada. Abjomy vytvorčaści na zavodzie Stadler ŭ Fanipali ŭ vyniku sankcyj byli skaročanyja da minimumu. Tak, pradpryjemstva nie zmahło pastavić ciahniki mienskaj padziemcy, u vyniku mietrapaliten zakupiŭ ciahnik u Rasii.
Pry hetym u hadavoj spravazdačy kampanii pakazvałasia, što Stadler nie źbirajecca admaŭlacca ad biełaruskaha zavoda i płanuje adnavić vytvorčaść paśla admieny sankcyj. Ciapier zavod «praciahvaje akazvać pasłuhi pa vytvorčaści kuzavaŭ i kamplektujučych aŭtamabilaŭ, a taksama ŭ halinie mašynabudavańnia, sa strohim zachavańniem usich sankcyj».
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary