Novy sud nad Palinaj raspačniecca ŭžo 14 kastryčnika ŭ sudzie Rečyckaha rajona. Spravu budzie razhladać sudździa Stanisłaŭ Ivaniucienka, jaki letaś užo dadaŭ žančynie hod źniavoleńnia, piša «Viasna».
Palitźniavolenaja Palina Šarenda-Panasiuk była zatrymana 3 studzienia 2021 i z taho času ŭvieś čas znachodzicca ŭ niavoli.
Dva razy joj užo praciahvali termin pa art. 411 KK (złosnaje niepadparadkavańnie patrabavańniam administracyi papraŭčaj ustanovy).
21 traŭnia 2024 hoda žančyna musiła vyjści na volu, ale jaje pieraviali ŭ homielskaje SIZA i ŭžo ŭ treci raz abvinavacili ŭ «niepadparadkavańni». Na voli žančynu čakajuć dvoje synoŭ — Słavamir i Stach.
U lipieni svajaki Paliny daviedalisia, što ŭ žančyny dyjahnastavali «chraničny pankreatyt siaredniaj ciažkaści». Niadaŭna muž palitźniavolenaj Andrej Šarenda napisaŭ pra rezkaje paharšeńnie stanu zdaroŭja Paliny.
U siaredzinie vieraśnia žančynu pieraviali ź IČU Rečycy ŭ SIZA Homiela. Pa prybyćci jaje adrazu adpravili ŭ karcar na 10 sutak.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju29
Kamientary