Kiraŭnik brytanskaj kontrraźviedki MI-5 Kien Makkałum zajaviŭ, što rasijskaja raźviedka pastaviła pierad saboj metu zładzić «chaos na brytanskich i jeŭrapiejskich vulicach», i papiaredziŭ, što Vialikabrytanija ciapier sutykajecca z samaj składanaj i šmatsłajovaj pahrozaj za ŭsiu svaju historyju.
Paśla pačatku rasijskaha ŭvarvańnia va Ukrainu ź Jeŭropy byli vysłanyja bolš za 750 rasijskich dypłamataŭ, mnohija ź jakich, pavodle źviestak zachodnich uradaŭ, byli špijonami.
Sa słoŭ Makkałuma, rasijskija śpiecsłužby vykonvajuć pastajannuju misiju stvareńnia chaosu na brytanskich i jeŭrapiejskich vulicach z dapamohaj «padpałaŭ, sabatažu i šmat čaho inšaha».
Kiraŭnik raźviedki nie ŭdakładniŭ, jakija mienavita akcyi jon maje na ŭvazie, adnak u apošni čas ułady Brytanii i inšych jeŭrapiejskich dziaržaŭ paviedamlali ab raskryćci niekalkich zmoŭ rasijskich śpiecsłužbaŭ, nakiravanych na arhanizacyju dyviersij.
U tym liku ŭ pačatku kastryčnika ŭ Łondanie pačaŭsia sud nad abvinavačanymi ŭ padpale budynka ŭ Łondanie, jaki naležyć ukrainskim biźniesmienam. Pavodle viersii prakuratury, jany dziejničali na zamovu rasijskaj PVK «Vahnier».
U traŭni premjer-ministr Polščy Donald Tusk paviedamiŭ ab aryšcie dzieviaci čałaviek, jakim pradjaŭlenyja abvinavačvańni ŭ arhanizacyi na terytoryi niekalkich krain Jeŭropy roznych dyviersij pa zadańni rasijskich śpiecsłužbaŭ.
U krasaviku ŭ Hiermanii byli aryštavanyja dvoje mužčyn, jakich padazrajuć u płanavańni dyviersij na daručeńnie rasijskaj sakretnaj słužby. Na dumku prakuratury, hetyja ludzi mieli namier arhanizavać napady na amierykanskija vajskovyja bazy, dzie navučajucca ŭkrainskija vajskoŭcy.
Ciapier čytajuć
Siostry Hruździevy ciapier važać pad 100 kiłahramaŭ kožnaja21
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary