Napiaredadni śviataŭ kvitki na aŭtobus ź Minska ŭ Vilniu adčuvalna daražejuć
Amal da kanca nastupnaha tydnia kvitki na aŭtobus Minsk-Vilnia možna nabyć pa canie ad 100 rubloŭ. Ale paśla 20-ch čysieł usie pieravozčyki adčuvalna padymajuć ceny.
Śviaty nabližajucca — ceny rastuć. Z 21 śniežnia «Ekałajns» prapanoŭvaje kvitki pa 230 rubloŭ (na raniejšyja daty jość varyjanty za 110 rubloŭ).
Inšy papularny pieravozčyk — «Jeŭrałajns» — zamiest zvykłych 175 rubloŭ pačynaje prasić ad 200 da 280 rubloŭ za kvitok. «Minsktrans» taksama pavyšaje ceny z 175 da 200 rubloŭ.
Reputacyju samaha tannaha pieravozčyka praciahvaje padtrymlivać «Atłas». Ale i tut biez pavyšeńnia nie abyšłosia: kali na daty da 18 śniežnia minimalny košt kvitka składaje 100 rubloŭ (i da 175 rubloŭ), to paśla — ad 140 rubloŭ (i da 200 rubloŭ).
Pakul vyhladaje tak, što paśla navahodnich śviat (i marafonu studzieńskich vychodnych u Biełarusi) ceny na kvitki ź biełaruskaj stalicy ŭ litoŭskuju znoŭ pamienšajuć, ale nie va ŭsich pieravozčykaŭ.
Naprykład, na 13 studzienia «Jeŭrałajns» znoŭ pradaje kvitki pa 175 rubloŭ, u «Minsktransa» taksama źjaŭlajucca prapanovy pa takim košcie. «Ekałajns» pakidaje canu ŭ 230 rubloŭ.
A voś u «Atłasa» pakul naadvarot bačna pavyšeńnie cen. Samaja poźniaja data, na jakuju ŭ pieravozčyka možna kupić bilet — 11 studzienia. I bilety ŭ Vilniu na jaje pradajuć pa 175-180 rubloŭ.
Nahadajem: Litva imkniecca pamienšyć kolkaść dazvołaŭ dla biełaruskich i litoŭskich kampanij, jakija zajmajucca pasažyrskimi pieravozkami. Atrymlivajecca tak, što paśla zakančeńnia terminu dziejańnia dazvołu na pieravozki pieravozčyki nie atrymlivajuć novyja i tamu vymušanyja syści.
Kali da 1 sakavika 2024 hoda ludziej ź Biełarusi ŭ Litvu vazili 58 pieravozčykaŭ, to ciapier ich zastałosia 35. Płanujecca, što da lutaha 2025 hoda ich kolkaść pastupova budzie źnižana da 29, ahučvała ličby ŭ efiry LRT ministr unutranych spraŭ Litvy Ahnie Biłatajcie.
Kvitki ź Minska ŭ Vilniu adčuvalna padaraželi. Z čym heta źviazana i čamu ceny mohuć uźlacieć jašče bolš?
Bolš za 60 jeŭra ŭ kašalku — buduć prablemy? Na vyjeździe ź Litvy biełarusy sutykajucca z novymi ciažkaściami
Mihrant na biełaruska-polskaj miažy schavaŭsia za prybiralniaj. Ale nie ŭličyŭ adzin niuans VIDEA
Premjer Polščy zajaviŭ, što ŭ ES razumiejuć jaho mihracyjnuju palityku
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary