Azaronak zajaviŭ, što pažar u Viciebsku moža być źviazany z «žadańniem razhajdać Biełaruś pierad vybarami»
Prapahandyst STB paraŭnaŭ situacyju z vodnym kałapsam u Minsku letam 2020 hoda.
Prapahandyst Ryhor Azaronak namiaknuŭ, što za pažaram u HC «Biełaruś» u Viciebsku mohuć stajać niejkija siły, jakija chočuć «razhajdać Biełaruś» pierad vybarami.
Viadučy STB u svaim telehram-kanale ŭzhadaŭ pra prablemy z vadoj u Minsku ŭ 2020 hodzie. I vyrašyŭ vybudavać łahičny łancužok.
«Nie chaču nahniatać kanśpirałohiju, ale situacyja z zabrudžvańniem vady ŭ Minsku ŭ razhar elektaralnaj kampanii ŭ 2020 hodzie pakinuła vielmi šmat pytańniaŭ, taksama byli zatrymańni. I ŭ sučasnaj situacyi razhajdać Biełaruś možna jak raz takimi voś padziejami», — napisaŭ Azaronak.
U kancy červienia 2020 hoda žychary piaci rajonaŭ Minska zastalisia bieź pitnoj vady: z kranaŭ u kvaterach stała ciačy kiepskaja vadkaść, nieprydatnaja dla ŭžyvańnia. Kałaps zakranuŭ 800 tysiač čałaviek. Vyrašyć prablemu ŭdałosia tolki praź niekalki dzion. Akazałasia, padčas ramontu vadapravoda ŭ trubach zastajałasia vada: jaje spačatku zabylisia źlić, a potym nie ačyścili.
Nijakaj kanśpirałohii abo dyviersij u toj situacyi siłaviki nie znajšli. Za słužbovuju chałatnaść asudzili inžyniera-technołaha ačyščalnaj vadapravodnaj stancyi: jamu dali čatyry hady chatniaj «chimii» i zabaranili zajmać peŭnyja pasady na piać hadoŭ. A inžyniera pa ekspłuatacyi vodapravodnych sietak i zusim vyzvalili ad adkaznaści pa amnistyi.
U vyniku pažaru ŭ HC «Biełaruś» u Viciebsku 13 śniežnia paciarpieli 20 čałaviek.
-
Dyrektarka dziciačaha centru, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
MZS: Paciarpiełych siarod biełarusaŭ u Izraili i Iranie niama
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska6
Kamientary