Videa marhinalnaha prałukašenkaŭskaha błohiera Dzieda Baradzieda pryznali ekstremisckim
Śpis ekstremisckich materyjałaŭ papoŭniŭsia novym rolikam. Admietna, što jaho aŭtar, błohier DZzied BaradZied, maje vyraznyja prałukašenkaŭskija i prarasijskija pohlady.
Pra isnavańnie hetaha DZzied'a BaradZied'a mała chto viedaje — mužčyna pieradpiensijnaha ci piensijnaha vieku zalivaje na Jutub vieršy i pieśni ŭ svaim vykanańni, a taksama toje, jak pravakuje ŭkraincaŭ i biełarusaŭ u čat-ruletcy.
Heta jaho i zahubiła — u adnym z rolikaŭ surazmoŭca mužčyny nahavaryła pra ruskich takoha, što sud Čyhunačnaha rajona Homiela nie prajšoŭ mima i ŭklučyŭ toj rolik «Słova nie vierabiej, zihanieš i nie złoviš» u śpis ekstremisckich materyjałaŭ.
Składana zrazumieć, jak siłaviki znajšli heta hora-videa, bo za piać miesiacaŭ jano sabrała tolki 200 prahladaŭ. Zrešty, padobnaj papularnaściu karystaŭsia i astatni kantent marhinalnaha błohiera.
Rašeńnie suda Čyhunačnaha rajona Homiela nie pakinuła abyjakavym telehram-kanał «Hrafač», źviazany ź ministram infarmacyi Maratam Markavym. Jon čarhovy raz nahadaŭ svaim padpisčykam pra absurdnaść isnavańnia śpisu ekstremisckich materyjałaŭ na 1400 staronak.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary