Rasijskaja balistyčnaja ekśpierymientalnaja rakieta «Arešnik», zapuščanaja pa Ukrainie ŭ druhoj pałovie minułaha miesiaca, była vyrablenaja rasijskimi kampanijami, jakija ŭsio jašče hruntujucca na sučasnym zachodnim vytvorčym abstalavańni. Pra heta havorycca ŭ analizie vydańnia Financial Times.
Dva viadučyja rasijskija abaronnyja inžyniernyja instytuty (Maskoŭski instytut ciepłatechniki i kancern «Soźviezdije»), nazvanyja ŭkrainskaj raźviedkaj raspracoŭščykami rakiety «Arešnik», šukajuć rabotnikaŭ, znajomych ź mietałaapracoŭčymi sistemami niamieckich i japonskich kampanij.
Heta ilustruje, što vajskovaja mašyna Kramla zastajecca krytyčna zaležnaj ad zamiežnych technałohij, na jakija raspaŭsiudžvajucca zachodnija sankcyi. Asabliva hetaja zaležnaść adčuvalnaja ŭ halinie kampjutarnaha ličbavaha prahramnaha kiravańnia — technałohii, žyćciova važnaj dla vytvorčaści «Arešnika».
Maskoŭski instytut ciepłatechniki, adna z arhanizacyj, jakaja, pavodle danych ukrainskaj raźviedki, była datyčnaja da stvareńnia «Arešnika», źjaŭlajecca viadučaj ustanovaj pa raspracoŭcy rasijskich ćviordapaliŭnych balistyčnych rakiet. U abjavach, raźmieščanych u 2024 hodzie, kampanija adznačaje, što «prytrymlivajecca pracy ź sistemami Fanuc, Siemens, Haidenhein».
Fanuc — heta japonskaja sistema, a dźvie inšyja — niamieckija. Usie hetyja try zachodnija kampanii zhadvajucca i ŭ abjavach, raźmieščanych «Soźviezdijem». U publikacyjach źmiaščajecca zapyt na «viedańnie sistem ličbavaha prahramnaha kiravańnia — Fanuc, Siemens, Haidenhain».
U 2024 hodzie na bujnoj rasijskaj vystavie vosiem kitajskich kampanij pradstavili 12 madelaŭ pryład ź ličbavym prahramnym kiravańniem. Pavodle danych analizu Rady ekanamičnaj biaśpieki Ukrainy, 11 madelaŭ byli abstalavanyja kantrolerami japonskich abo niamieckich kampanij.
Tamu pryjarytetam dla sajuźnikaŭ Ukrainy musić być spynieńnie pastupleńnia ŭ Rasiju kantroleraŭ i abstalavańnia ź ličbavym prahramnym kiravańniem.
Łukašenka zamachvajecca na 10 «Arešnikaŭ»
Ukrainskija ekśpierty razabralisia, z čaho zrabili rasijski «Arešnik»
«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Pierad udaram «Arešnika» pa Dniapry kiraŭnictva Rasii evakujavałasia na Urał
«Arešnik» dla Biełarusi. Kudy Łukašenka ŭciahvaje krainu
«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary