«Šuhanuć Bierlin dy inšych jeŭrapiejcaŭ». Pucinski «Arešnik» moža być tolki zrežysiravanym šou
Rasijskija vajskoŭcy i śpiecsłužby praviali śpiecyjalnuju prapahandysckuju apieracyju ź nibyta najnoŭšaj rakietaj «Arešnik», kab adkazać Zachadu na dazvoł Ukrainie nanosić udary pa Rasii dalnabojnaj zbrojaj. Pra heta The Moscow Times raskazali čaćviora dziejnych čynoŭnikaŭ z roznych ešałonaŭ rasijskaj ułady. Usie jany pahadzilisia havaryć na ŭmovach ananimnaści z pryčyny adčuvalnaści pytańnia.
Sa słoŭ krynic, u padrychtoŭcy apieracyi, metaj jakoj było zapałochać zachodnich palitykaŭ i hramadzian, jakija pastupova stračvajuć strach pierad jadziernymi pahrozami z Maskvy, brali ŭdzieł kramloŭskija pijarščyki.
«Byli mazhavyja šturmy na temu, čym adkazać i jak asadzić amierykancaŭ i anhličan za ich dazvoł Zialenskamu vykarystoŭvać dalnabojnuju zbroju. I jak šuhanuć Bierlin dy inšych jeŭrapiejcaŭ, kab było niepanadna», — skazaŭ rasijski čynoŭnik.
U vyniku była raspracavana kłasičnaja vajennaja prapahandysckaja kampanija z metaj vyklikać pierabolšanyja ŭjaŭleńni pra zdolnaści rasijskaha vajskova-pramysłovaha kompleksu.
«U hetym šou, jakoje było zrežysiravanaje i vystaŭlenaje publicy, było niekalki etapaŭ. Hałoŭnyja ź ich — samo naniasieńnie ŭdaru «Arešnika», raspaŭsiudžvańnie kadraŭ u sacyjalnych sietkach i zamiežnych ŚMI», — skazaŭ inšy rasijski čynoŭnik.
Udzielnikami šou stali ŭ tym liku pres-sakratarka MZS Maryja Zacharava i kuratar ŚMI ŭ Kramli Alaksiej Hromaŭ. Apošni patelefanavaŭ Zacharavaj prosta padčas bryfinhu z zamiežnymi žurnalistami i pa hučnaj suviazi zabaraniŭ «kamientavać udar balistyčnymi rakietami» pa vajskovym zavodzie va ŭkrainskim Dniapry.
«Hetym trukam ź nibyta zvankom Hromava asabliva hanarylisia niekatoryja ŭdzielniki mazhavych šturmaŭ», — skazaŭ rasijski čynoŭnik. Jon nazvaŭ heta i «paschałkaj» dla rasijskich žurnalistaŭ, jakim «dobra viadomyja praktyki Alaksieja Alaksiejeviča [Hromava]».
Kulminacyjaj kampanii zapałochvańnia staŭ asabisty vystup Uładzimira Pucina z trybuny samitu krain-členaŭ Arhanizacyi Damovy ab kalektyŭnaj biaśpiecy, dzie rasijski prezident vychvalaŭsia charaktarystykami rakiety, śćviardžajučy, što jana nie maje anałahaŭ i paraŭnalnaja pa mocy ź jadziernaj.
«Samit byŭ pryśviečany prablemam krain-členaŭ. Adnak publična načalnik [tak rasijskija čynoŭniki pamiž saboj časta nazyvajuć prezidenta] faktyčna całkam pierachapiŭ paradak dnia i vykarystaŭ jaho dla pahrozy sajuźnikam Zialenskaha», — skazaŭ čynoŭnik, znajomy z padrychtoŭkaj pracy samitu.
«Ja padazraju, što dla inšych udzielnikaŭ samitu, kiraŭnikoŭ dziaržaŭ ADKB, toje, pra što i ŭ jakim rezkim farmacie vystupić načalnik, stała siurpryzam. Zahadzia ich pra heta nie infarmavali. A sami jany pa sutnaści stali harniram dla našaj asnoŭnaj stravy — aktu psichałahičnaj vajny suprać Zachadu», — dadaŭ čynoŭnik.
Adnak prablema Maskvy palahaje ŭ tym, što Rasija nie vałodaje istotnym zapasam sistem «Arešnik», i navat asabista Pucin u svajoj pramovie pryznaŭ, što ŭdar pa Dniapry byŭ vyprabavalnym vykarystańniem.
Rasijskaj pramysłovaści, uličvajučy biurakratyčnuju ciahaninu i adstavańnie ŭ inavacyjach, charakternyja dla abaronnaha siektara, spatrebiacca hady, kab vyjści na masavuju vytvorčaść «Arešnika», raskazaŭ The Moscow Times inžynier z vopytam pracy ŭ Minabarony na ŭmovach ananimnaści.
«Navat adnosna prostyja prajekty, nie źviazanyja z rakietami, mohuć zajmać ad piaci da siami hadoŭ na raspracoŭku, — dadaŭ inžynier. — Hety ŭdar pa Ukrainie, padobna, staŭ pieršym vyprabavańniem [»Arešnika»]. Danych dla apraŭdańnia zapusku ŭ masavuju vytvorčaść pakul niedastatkova».
Inžynier adznačyŭ, što ŭ rasijskim arsienale ŭžo jość rakiety z charaktarystykami, padobnymi da «Arešnika», takija jak jaho bazavaja madel RS-26 «Rubiež», i vykazaŭ zdahadku, što raptoŭnaje vykarystańnie ekśpierymientalnaj zbroi ŭ realnym bai moža być chutčej sprobaj paŭpłyvać na hramadskuju dumku, čym demanstracyjaj novych vajennych mahčymaściaŭ.
Łukašenka pachvaliŭ «Arešnik» i prapanavaŭ raźmiaścić rakiety ŭ Biełarusi
Pucin pryhraziŭ udaryć «Arešnikam» pa «centry pryniaćcia rašeńniaŭ» u Kijevie
Načalnik Hienštaba Biełarusi nazvaŭ zapusk «Arešnika» pa Dniapry žestam dobraj voli
SBU pakazała reštki rasijskaj rakiety «Arešnik»
Nazvać dačku Arešnicaj u honar balistyčnaj rakiety chočuć baćki z Tatarstana
Pucin zajaviŭ pra pačatak sieryjnaj vytvorčaści «Arešnikaŭ»
Rasija moža mieć tolki niekalki takich rakiet, jakuju jana zapuściła pa Dniapry
Pucin zajaviŭ pra ŭdary pa Ukrainie novaj zbrojaj, jakaja «nie pierachoplivajecca»
Kamientary
On vpołnie jeŝie raz-druhoj možiet etim rubiežom,pieriekrašiennym pod oriešnik dołbanuť. I na etom vsia chvalenaja moŝ sdujetsia.
Vot łučšie by on etoho nie diełał. Łučšie by ihrał v zahadočnosť i pročuju opieriettu.
A tak žie vied́ vsie uvidieli,čto mol hołyj. Da jeŝie obiezobražiennyj povyłazivšim botoksom iz proriech podmyškami. Sovsiem nieprihladnaja kartina.
Mdaa…