«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Prezident Ukrainy Uładzimir Zialenski dva razy za dzień prakamientavaŭ vykazanuju padčas pramoj linii prapanovu Pucina zładzić pamiž Rasijaj i Ukrainaj «vysokatechnałahičnuju duel» z udaram pa Kijevie «Arešnikam». U abodvuch vypadkaŭ vyrazaŭ jon nie padbiraŭ. Inicyjatyvu šefa padchapiŭ i kiraŭnik jahonaha ofisa.
«Chaj vyznačać niejki abjekt dla paražeńnia, skažam, u Kijevie, zasiarodziać tudy ŭsie svaje siły supraćpavietranaj abarony i supraćrakietnaj abarony, a my naniasiom tudy ŭdar «Arešnikam». I pahladzim, što budzie. My da takoha ekśpierymientu hatovy. Ci hatovy inšy bok? […] I dla nas heta budzie cikava. […] Praviadziem taki ekśpierymient, takuju technałahičnuju duel, i pahladzim, što atrymajecca», — skazaŭ Pucin.
Na svajoj pres-kanfierencyi, jakaja prachodziła nieŭzabavie, Zialenski daŭ karotkuju charaktarystyku hetamu vykazvańniu:
«Vy ličycie, što heta adekvatny čałaviek? Prosta admarozki», — skazaŭ jon pra Pucina i jahonych paplečnikaŭ.
Paśla jon daŭ takuju ž karotkuju i nie dypłamatyčnuju acenku skazanaha na svajoj staroncy ŭ sacsietcy X:
«Ludzi hinuć, a jamu «cikava»… D*****b».
Kiraŭnik Ofisa prezidenta Ukrainy Andrej Jarmak padtrymaŭ pačyn Zialenskaha, napisaŭšy ŭ telehramie na adras Pucina:
«Stary, zvarjacieły kretyn».
Biełaruski błohier Uład Bumaha trapiŭ na pramuju liniju da Pucina i mocna prahnuŭsia pierad im
Pucin prapanavaŭ Zachadu duel: atačyć Kijeŭ siłami SPA i ŭdaryć pa im «Arešnikam»
Pucin: Rasija zrobić usio dla biaśpieki Biełarusi
Pucin: Vajennaha sensu dla USU zachodzić u Kurskuju vobłaść i trymacca tam niama nijakaha
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary