Pratasievič: Viadomyja vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie
Raman Pratasievič napisaŭ post z paradami, jak viaźniam treba pisać prośbu da Łukašenki pra pamiłavańnie. Siarod inšaha jon zrabiŭ zajavu, jakaja supiarečyć śćvierdžańniam prapahandy.
Raman Pratasievič piša, što niama nidzie šabłonu, jak pravilna palitviaźniam pisać pamiłoŭku (prašeńnie pra pamiłavańnie).
Jon prapanuje viaźniam svaje parady. Tak, naprykład, jon piša, što «słovy «Pavažany Alaksandr Ryhoravič» nieabchodna napisać nie adzin raz, a dva — pieršy raz, jak i va ŭzory, u pačatku tekstu, a druhi — u kancy».
Ale samaje cikavaje toje, što Pratasievič piša, što viadomyja vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie. Heta zdarajecca, pavodle jaho słoŭ, kali prapanova napisać prašeńnie idzie ad samoj administracyi kałonii.
Kali ž viazień piša prašeńnie sa svajoj inicyjatyvy i nie pryznaje viny, to hetamu zvarotu navat nie daduć ruchu.
U toj ža čas prapahanda niaźmienna śćviardžaje, što ŭsie palitviaźni, chto vyjšaŭ pa pamiłavańni, pryznali svaju vinu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary