Łaŭroŭ: Prypynieńnia bajavych dziejańniaŭ va Ukrainie pa linii sutyknieńnia nie budzie — «u nas jość Kanstytucyja»
Pieramirja pa linii bajavych dziejańniaŭ, jak i mižnarodnych miratvorcaŭ, va Ukrainie nie budzie, zajaviŭ ministr zamiežnych spraŭ Rasii Siarhiej Łaŭroŭ na pres-kanfierencyi pa vynikach vizitu ŭ Katar.
Rasijski bok nie razhladaje nijakich varyjantaŭ z raźmiaščeńniem jeŭrapiejskich miratvorcaŭ va Ukrainie. Maskvu pra heta nichto nie pytaŭsia, a zajavy pradstaŭnikoŭ Zachadu na hety kont nakiravany na razahravańnie kanfliktu, zajaviŭ Łaŭroŭ.
«My nijakich varyjantaŭ nie možam razhladać. Ja nie viedaju, što tam [prezident Francyi Emaniuel] Makron kazaŭ [pra razhortvańnie jeŭrapiejskich miratvorcaŭ va Ukrainie], jon svaju rolu hraŭ nie vielmi pierakanaŭča ŭ Vašynhtonie, ale prezident Tramp, jak ja čytaŭ, skazaŭ, što rašeńnie ab razhortvańni miratvorčych sił mahčyma tolki sa zhody abodvuch bakoŭ, mabyć majučy na ŭvazie nas i Ukrainu. Nas nichto pra heta nie pytajecca», — skazaŭ Łaŭroŭ.
Akramia taho, Łaŭroŭ zajaviŭ, što prypynieńnia bajavych dziejańniaŭ va Ukrainie pa linii sudakranańnia nie budzie — «u nas jość Kanstytucyja», padkreśliŭ Łaŭroŭ.
Pa Kanstytucyi RF, ukrainskija Zaparožskaja, Chiersonskaja, Danieckaja i Łuhanskaja vobłaści razam z abłasnymi centrami byli abvieščanyja terytoryjaj RF.
Łaŭroŭ takim čynam zajaŭlaje, što RF choča zabrać sabie hetyja vobłaści i nie płanuje spyniać vajnu, pakul nie dasiahnie hetaj mety.
«Toje, što zastaniecca ad Ukrainy, pavinna być vyzvalena ad rasisckich zakonaŭ. Tam taksama ludzi zastajucca, jakim zručniej navat razmaŭlać na ruskaj, jakija chočuć zachavać tradycyi svaich prodkaŭ, vychavanych u ruskaj kultury», — skazaŭ jon.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki11
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Tak podotri zad svojej konstitucijej! Kak tvoj pachan nieodnokratno diełał.