Zabaŭlalny rasijski telekanał «Dom kino», jaki naležyć apierataru «Trykałor», adcenzuravaŭ fota śpiavački Ały Puhačovaj padčas načnoha efiru filma «Ledakoł», piša «Ahienctva».
Film «Ledakoł» vyjšaŭ u 2016 hodzie pry ŭdziele «Fonda kino» i NTV. Jon raspaviadaje pra historyju ledakoła «Michaił Hromaŭ», jaki apynuŭsia zabłakavany antarktyčnymi ldami — u asnovie lažyć realny vypadak 1985 hoda ź ledakołam «Michaił Somaŭ».
U adnym z momantaŭ hieroj filma zakreślivaje datu na kalendary za 1983 hod. Paśla hetaha kalandar z fotazdymkam Puhačovaj pakazvajecca bujnym płanam.
Adnak padčas tranślacyi na «Domie kino» ŭ noč z aŭtorka na sieradu paznać, chto na fota, było niemahčyma— tvar byŭ razmytaj plamaj.
Pieršy na fakt cenzury źviarnuŭ uvahu hladač YouTube-kanała Aleha Kašyna, jaki pakinuŭ adpaviedny kamientar pad strymam. Skrynšot ź jaho słovami žurnalist apublikavaŭ u svaim Telegram-kanale.
Puhačova — adna z hałoŭnych zorak poźniesavieckaj estrady — paśla pačatku poŭnamaštabnaha rasijskaha ŭvarvańnia va Ukrainu asudziła dziejańni Kramla i razam z mužam, Maksimam Hałkinym, źjechała za miažu.
Chacia ŭłady Rasii nie raspačali suprać jaje kryminalnych spraŭ i nie pryznali jaje «zamiežnym ahientam», prakramloŭskaja prapahanda metanakiravana zajmajecca razbureńniem jaje reputacyi. U sakaviku NTV pakazaŭ piać filmaŭ-paskvilej pra śpiavačku.
Heta nie pieršy vypadak cenzury na «Domie kino».
U subotu kanał zamazaŭ afišy hurta «DDT» u filmie «Brat 2». Frontmen kalektyvu Juryj Šaŭčuk taksama asudziŭ uvarvańnie jašče ŭ pieršyja dni vajny.
Jak u vypadku z Puhačovaj, tak i z Šaŭčukom, nijakich jurydyčnych padstaŭ dla zamazvańnia ich vobrazaŭ u kino niama.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju3
Kamientary