Śviet1515

Akcyi ZŠA paśla abjaŭleńnia Trampam handlovaj vajny patańnieli amal na $3 tryljony za hadzinu

Rašeńnie Donalda Trampa abkłaści taryfami ŭvieś impart, jaki pastupaje ŭ ZŠA, i ŭvieści asobnyja myty dla najbujniejšych handlovych partnioraŭ Štataŭ abiarnułasia najmacniejšym z časoŭ pandemii abvałam na amierykanskim fondavym rynku, piša The Moscow Times.

Zdymak ilustracyjny. Fota: freepik.com

Na starcie tarhoŭ u čaćvier indeks S&P500 upaŭ bolš čym na 4%, Nasdaq — na 4,9%, Dow Jones — na 3,7%, a indeks Russell 2000, kudy ŭvachodziać kampanii małoj kapitalizacyi, abvaliŭsia amal na 7%.

Krychu bolš čym za hadzinu tarhoŭ uvachodnyja papiery najbujniejšych amierykanskich kampanij patańnieli na $2 tryljony. A ahulnaja kapitalizacyja rynku ZŠA abrynułasia na $2,7 tryljona — rekordna z 2020 hoda, pavodle padlikaŭ The Wall Street Journal.

Akcyi Apple, zavody jakoj znachodziacca ŭ Kitai, što trapiŭ pad samyja surovyja myty Trampa, abvalilisia na 9,5%. U vyniku kampanija patańnieła na $300 miljardaŭ. Papiery rytejleraŭ Target i Dollar Tree, palicy jakich napoŭnienyja kitajskimi tavarami, abvalilisia bolš čym na 12%. Amazon straciła $165 miljardaŭ kapitalizacyi, Nvidia — $183 miljardy.

Miljardnyja straty panieśli najbujniejšyja donary Trampa: Iłan Mask źbiadnieŭ na $6 miljardaŭ praz abvał akcyj Tesla, a Styvien Švarcman, kiraŭnik inviestfondu Blackstone Group, straciŭ $3 miljardy, piša The New York Times.

Najmacniejšaje za try hady padzieńnie pieražyŭ rynak nafty: fjučarsy na hatunak Brent patańnieli na 7% i apuskalisia nižej za $70 za barel. Indeks Maśbiržy asieŭ na 2,3% i zaviaršyŭ u minusie 12-y dzień zapar, čaho biržavaja statystyka nie bačyła ni razu ŭ sučasnaj historyi Rasii.

Vystupajučy ŭ sieradu ŭviečary ŭ Ružovym sadzie Biełaha doma, Tramp abviaściŭ pra rašeńnie ŭvieści 10-pracentnyja taryfy na bolšaść tavaraŭ, impartavanych u ZŠA, u tym liku dadatkovyja 34-pracentnyja myty dla Kitaja i 20-pracentnyja dla Jeŭrapiejskaha Sajuza.

U vyniku siaredniaja staŭka taryfaŭ ZŠA na ŭvieś impart vyrasła z 2,5% u 2024 hodzie da 22% — uzroŭniu, jaki apošni raz naziraŭsia kala 1910 hoda, skazaŭ Ołu Sanoła, kiraŭnik adździeła ekanamičnych daśledavańniaŭ ZŠA ŭ Fitch Ratings.

«Heta całkam mianiaje praviły hulni nie tolki dla ekanomiki ZŠA, ale i dla suśvietnaj ekanomiki, — skazaŭ Sanoła. — Mnohija krainy, vierahodna, čakaje recesija».

Maštaby taryfaŭ akazalisia značna vyšejšymi, čym čakałasia: pa raźlikach Biełaha doma, jany pryniasuć u amierykanski biudžet $6 tryljonaŭ u najbližejšyja 10 hadoŭ i skarociać deficyt, jaki ŭ 2024 hodzie razrośsia da biesprecedentnych $3 tryljonaŭ, a ŭ 2025-m — bje letašnija rekordy.

Pa sutnaści rašeńnie Trampa — heta najbujniejšaja z kanca 1960-ch padatkovaja reforma, pišuć analityki JP Morgan. Canoj napaŭnieńnia biudžetu, zrešty, mohuć stać recesija ŭ ZŠA, recesija ŭ Jeŭrasajuzie i hłabalnaja stahflacyja, ličyć Devid Roš, strateh Quantum Strategy.

Ułady ES rychtujuć pakiet kontrmieraŭ u adkaz na myty Trampa, zajaviła ŭ čaćvier kiraŭnica Jeŭrakamisii Ursuła fon der Lajen. Kitaj vystupaje «rašuča suprać» uviedzienych ZŠA taryfaŭ i taksama «prymie kontrmiery dla abarony svaich pravoŭ i intaresaŭ», papiaredziła miascovaje Minhandlu.

Kamientary15

  • Hienijalny łapidao
    03.04.2025
    Zieniek, treba mietrovym artykułam trampavać mazhi prychilnikam
  • Łoł
    03.04.2025
    Jak zaraz źnizilisia, tak potym nazad skarektujucca praz paru miesiacaŭ. Takija lichamanki za apošnija 15 hod byli nie adnojčy. Tramp vyrašyŭ zaniacca reformaj amierykanskaj ekanomiki, katoraja joj patrabavałasia jašče z kanca 90-ch, ale katoruju ŭsie bajalisia pravodzić. Chtości pavinien byŭ heta pačać. I jak by zaraz nie pačali vapić miascovyja kamientatary, katoryja svoj śvietapohlad budujuć z zahałoŭkaŭ, u Biełarusi treba budzie pravodzić takija samyja reformy.
  • Łoł
    03.04.2025
    A ciapier damo słova lapidarnamu metru, Čukča nie čytaciel, čukča kamientatar.

    “ pa raźlikach Biełaha doma, jany pryniasuć u amierykanski biudžet $6 tryljonaŭ u najbližejšyja 10 hadoŭ i skarociać deficyt, jaki ŭ 2024 hodzie razrośsia da biesprecedentnych $3 tryljonaŭ, a ŭ 2025-m — bje letašnija rekordy.”

Ciapier čytajuć

U Biełarusi krytyčna padaje naradžalnaść. A jak u susiednich krainach?

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

U Biełarusi prydumali syrnaje marožanaje1

Rybak na Prypiaci vyciahnuŭ taŭstałobika vahoj za 25 kiłahram2

Ukraina atakavała vajskovy zavod u Čuvašyi1

Ci možna jeści prarosłuju bulbu, cybulu i časnok?3

Dypłamatyčny daradca Cichanoŭskaj raskazaŭ, navošta jamu zvaniŭ Borys Džonsan4

DAI budzie vykarystoŭvać novyja kamiery ŭ Minsku — dla kantrolu spynieńnia i stajanki1

Minskuju Sierabranku čakajuć maštabnyja źmieny3

Eks-palitviazień raskazaŭ, jak atrymaŭ mikrainfarkt padčas suda1

Mužčynu zabiła małanka ŭ Stolinskim rajonie

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić