U noč na 15 krasavika ŭkrainskija bieśpiłotniki ździejśnili masiravanuju ataku na Kursk, paviedamili ŭ apieratyŭnym štabie Kurskaj vobłaści.
«Na žal, zahinuła 85-hadovaja žančyna. Taksama paciarpieli dzieviać čałaviek — jany atrymali askołačnyja ranieńni, čerapna-mazhavyja traŭmy, apioki», — adznačyli ŭ štabie.
Bieśpiłotniki paškodzili niekalki žyłych damoŭ. U šmatpaviarchoŭcy na vulicy Zavodskaj uspychnuŭ pažar na 8 i 9 pavierchach. Hareli taksama piać pavierchaŭ u domie na vulicy Arłoŭskaj i adzin — na vulicy Viespremskaj. Žycharoŭ atakavanych damoŭ evakujavali i nakiravali ŭ punkty časovaha raźmiaščeńnia. Akramia taho, paškodžańni atrymali jašče try pryvatnyja damy.
Adzin z dronaŭ atakavaŭ haraž chutkaj dapamohi — u vyniku byli paškodžanyja 11 aŭtamabilaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary