Bašar Asad pierad svaim źviaržeńniem vyviez ź Siryi nie mienš za $500 tysiač i sakretnyja dakumienty
Dla pieravozki hrošaj, a taksama noŭtbukaŭ i chard-dyskaŭ z sakretnaj infarmacyjaj Asad vykarystaŭ pryvatny samalot, vyśvietliła ahienctva Reuters, apytaŭšy bolš za dziasiatak krynic.
Apieracyjaj kiravaŭ Jasar Ibrahim, hałoŭny ekanamičny savietnik byłoha prezidenta. Jon arandavaŭ pryvatny samalot Embraer Legacy 600 i arhanizavaŭ pieravozku ŭ AAE kaštoŭnaj majomaści Asada (uklučajučy karciny i skulptury), jahonych svajakoŭ i pamočnikaŭ.
Jak piša ahienctva, Embraer Legacy 600 ździejśniŭ čatyry rejsy ź Siryi ŭ AAE za 48 hadzin da padzieńnia režymu. Apošni rejs vylecieŭ 8 śniežnia z rasijskaj vajskovaj avijabazy Chmiejmim niedaloka ad horada Łatakija. Raniej paviedamlałasia, što Bašar Asad uciok u Rasiju ŭ toj ža dzień z toj ža bazy.
Pavodle danych Reuters, na žorstkich dyskach utrymlivałasia klučavaja infarmacyja pra składanuju sietku kampanij, što achoplivaje telekamunikacyi, bankaŭskuju spravu, nieruchomaść, enierhietyku i inšyja śfiery, jakija lažać u asnovie bahaćcia Asada.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju84
Kamientary