U Nacbanku patłumačyli, čamu ŭ niekatorych vypadkach nielha apłacić smartfonam
Raniej pakupniki ŭ Biełarusi sutyknulisia ź ciažkaściami pry apłacie tavaraŭ sa smartfonaŭ.
Takija vypadki zafiksavanyja, u pryvatnaści, u handlovaj sietcy «Karona» i na zapraŭkach «Biełarusnafty». Z pačatku krasavika hetyja punkty časova nie prymajuć apłatnyja dadatki, takija jak Apple Pay i Samsung Pay, piša Onliner.by.
Jak patłumačyŭ kiraŭnik Nacyjanalnaha banka Raman Hałoŭčanka, techničnych pieraškod z boku biełaruskich sistem niama. Prablema ŭ palitycy mižnarodnych płaciežnych sistem, emitentaŭ bankaŭskich kart i raspracoŭščykaŭ samich mabilnych dadatkaŭ.
Pavodle słoŭ Hałoŭčanki, u Biełarusi ŭžo funkcyjanuje ŭłasnaja sistema bieskantaktnaj apłaty — «Biełkart Pay». Zaraz da jaje padklučana 19 bankaŭ, a kolkaść karystalnikaŭ pieravyšaje 330 tysiač. Čakajecca, što da kanca 2025 hoda «Biełkart Pay» stanie dastupnaja va ŭsich biełaruskich bankach.
Z 1 krasavika «Karona» spyniła prymać apłatu sa smartfonaŭ, a 7 krasavika pra anałahičnyja zboi paviedamili klijenty «Biełarusnafty». Pra padobnuju situacyju paviedamlajuć i karystalniki «Hazpramnafty». Pakupnikam rajać dla apłaty vykarystoŭvać fizičnyja bankaŭskija karty, najaŭnyja, a taksama płaciežny servis «Apłaci» abo dadatak «Biełkart Pay».
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»2
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary