Pa-raniejšamu fiksujucca najbolš častyja parušeńni ŭ praviłach karystańnia samakatami i rovarami, raspaviała namieśnica staršyni kamiteta ekanomiki Mienharvykankama Volha Lavoška, pišuć Minsk-naviny.
— Siezon vykarystańnia srodkaŭ piersanalnaj mabilnaści startavaŭ u horadzie 15 sakavika, — adznačyła jana. — Pa-raniejšamu fiksujucca najbolš častyja parušeńni praviłaŭ karystańnia samakatami i rovarami. Heta i pajezdki ŭdvaich, i vykarystańnie srodkaŭ niepaŭnaletnimi, i ich chaatyčnaja parkoŭka. Tym časam, samakataŭ u hetym siezonie na haradskich vulicach stała amal u dva razy bolš. Z 15 sakavika 1460 samakatčykaŭ trapili ŭ ban u Minsku z pačatku siezona.
— U pieryjad budučych śviatočnych dzion, a taksama padčas kulturna-masavych, spartyŭnych i ŭračystych mierapryjemstvaŭ u stalicy, źviazanych z paradam, buduć uviedzieny abmiežavańni pa vykarystańni SPM, — raskazaŭ namieśnik načalnika UDAI HUUS Minharvykankama Dzianis Livanovič.
— Zabaranialnyja zony buduć daviedzieny da ŭsich arhanizacyj zahadzia. U metach hramadskaj i darožnaj biaśpieki dla haradžan i haściej stalicy budzie abmiežavanaja stajanka abo ruch SPM u miescach praviadzieńnia śviatočnych mierapryjemstvaŭ, pakolki ŭ horadzie budzie šmat bujnych łakacyj.
Asnoŭnaj zonaj abmiežavańnia dla ruchu na srodkach piersanalnaj mabilnaści stanie praśpiekt Pieramožcaŭ z prylehłymi terytoryjami ad vuł. Hvardziejskaj da vuł. Internacyjanalnaj; praśpiekt Mašerava — ad vuł. Zasłaŭskaj da vuł. Daŭmana, a taksama zony zapusku salutu.
Ciapier čytajuć
«Nie vieru, što heta piša jana». Taćciana Martynava śćviardžaje, što Karpušonak taksama źnikła15
«Nie vieru, što heta piša jana». Taćciana Martynava śćviardžaje, što Karpušonak taksama źnikła
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary