Chedłajnieram apošniaha zvanka ŭ Minsku staŭ niaŭdały ŭdzielnik «Doma-2». Chto taki Aleh Majami?
Uračysty kancert dla 12 tysiač vypusknikoŭ škoł i himnazij stalicy, a taksama ich nastaŭnikaŭ adbudziecca ŭ «Minsk-Arenie». Vystupić zaprasili rasijskaha śpievaka.
Sapraŭdnaje jaho proźvišča — Kryvikoŭ. Psieŭdanim Majami Aleh abraŭ u maładości — kazaŭ, što tady maryŭ pra pryhožaje, svabodnaje žyćcio, a amierykanski horad byŭ dla chłopca simvałam raskošy, stylu i muzyki.
Darečy, ciapier taki nadta zachodni psieŭdanim vyklikaje abureńnie ŭ rasijskich Z-patryjotaŭ. Letaś kiraŭnik hramadskaha ruchu «Vieterany Rasii» Ildar Reziapaŭ nastojliva raiŭ Alehu źmianić sceničnaje imia:
«Čamu Aleh Majami? Jon dzie žyvie? U Rasii. Moža, Aleh Poŭnač ci Aleh Mahadan. Abo Aleh Maskva. Narmalny mužčynski psieŭdanim».
Šlach na scenu Aleha pačaŭsia ŭ 2011 hoda z udziełu ŭ skandalnym rasijskim realici-šou «Dom-2». Ale ž adtul chłopca vyhnali ŭsiaho praz 20 dzion. Paśla jon ź pieramiennym pośpiecham sprabavaŭ siabie ŭ roznych televizijnych i jutub-prajektach.
Hałoŭnaha artyst dasiahnuŭ: dziakujučy svajoj aktyŭnaści jon staŭ dastatkova paznavalnym. Sumiesnaja z NILETTO i Lošam Śvikam pieśnia «Hramčej za horad» zrabili Aleha Majami papularnym na muzyčnych stryminhach i siarod moładzievaj aŭdytoryi.
Letaś jaho zaprasili vystupić na I Respublikanski źlot vajenna-patryjatyčnych kłubaŭ MUS. Dzieci ŭ vajennaj formie pad čyrvona-zialonymi ściahami prosta skakali ad zachapleńnia, ubačyŭšy lubimaha artysta. Tady ž śpievaku padaryli hadzińnik z hraviroŭkaj «Ad Ministerstva ŭnutranych spraŭ Respubliki Biełaruś». Aleh vykłaŭ fota padarunka va instahram z podpisam «Hanarusia!».
«Samaha milenijalnaha vykanaŭcu vybrali na vypuskny da zumieraŭ». Hrodzienskija vypuskniki nie acanili chedłajnieraŭ śviata
Staŭ viadomy śpis artystaŭ Belbet Fest na «Dynama» ŭ Minsku
Chedłajnierami Viva Brasłaŭ-2025 buduć Niuša i Lusia Čabocina
Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary