Jak prajšoŭ vohnienny fiestyval «Śviata Sonca» ŭ Dudutkach ŠMAT FOTA
Učora muziejny kompleks «Dudutki» staŭ centram letniaha śviata — tut adbyŭsia fiestyval «Śviata Sonca», pryśviečany Kupallu. Haściej čakała nasyčanaja prahrama: muzyka, ramiostvy, tradycyjnyja hulni, etnahrafija i — hałoŭnaje — vidoviščnaje viačerniaje ahniavoje šou. Onliner naviedaŭ fiestyval.
Adnoj z hałoŭnych padziej staŭ dvuchhadzinny ahniavo-piratechničny pierformans, u jakim udzielničali prajekty Kresiva, Etere, fajer-hrupy «Maory», «Kietry» i inšyja kalektyvy.
Muzyčnaje supravadžeńnie viečara zabiaśpiečvali fołk– i rok-hrupy: na scenu vychodzili «Sarmaty», Fishtank, «Dudareŭ», PLEMJa, Guda, a taksama viadomy muzykant i daśledčyk etnakultury Ivan Kirčuk.
Udzień na terytoryi fiestyvalu pracavali tematyčnyja zony. U «Horadzie majstroŭ» ramieśniki pradstaŭlali kavanyja vyraby, posud, upryhožańni, vopratku i kaśmietyku. Šmat haściej zabirali z saboj nie tolki ŭražańni, ale i aryhinalnyja suvieniry.
Nie zastalisia biez uvahi i interaktyŭnyja placoŭki: stralba z łuka i arbaleta, staradaŭnija nastolnyja hulni i navat 6-kiłamietrovaja pałasa pieraškod — dla samych tryvałych.
Asablivaj uvahi zasłuhoŭvaŭ fud-kort ź biełaruskaj kuchniaj. Pach dranikaŭ, haračaha miasa, śviežaha chleba i travianych napojaŭ stajaŭ u pavietry da samaha viečara. Tut ža prachodzili kulinarnyja majstar-kłasy i dehustacyi.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ133
Kamientary
Što paradziš, Baradzied, žyćcio ciapier chutkaje, davodzicca varušycca, ŭsio i adrazu, kab zaŭčasna nie zaraści mocham.