Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi
Ukrainski vajskoviec Andrej, jaki bolš za 15 miesiacaŭ tamu trapiŭ u pałon da rasijan ź ciažkim ranieńniem u vobłaści pachu, paśla apieracyi ŭ rasijskim špitali pračnuŭsia z vypalenymi na žyvacie nadpisami «Słava Rośsii» i litaraj Z. Ukrainskija śpiecyjalisty miarkujuć, što heta było zroblena chirurham, jaki pravodziŭ apieracyju, piša «Suśpilnie».
Pavodle słoŭ kiraŭnika reabilitacyjnaj prahramy «Nieopalimi» Maksima Turkieviča, hetyja nadpisy, chutčej za ŭsio, zrabiŭ rasijski chirurh padčas apieracyi, pakul vajar byŭ pad ahulnaj aniestezijaj.
Nadpisy vykananyja z dapamohaj miedycynskaha elektrakaahulatara, a nie bytavymi srodkami.
Ciapier Andrej znachodzicca ŭ lvoŭskim špitali i prachodzić kurs lačeńnia i reabilitacyi. Jamu ŭžo zrabili pieršuju injekcyju polinukleatydaŭ dla adnaŭleńnia skury. U najbližejšyja tydni buduć praciahvacca pracedury, a prykładna praz paŭhoda płanujecca vykarystańnie łaziernaha lačeńnia, kab vydalić hetyja šnary.
Turkievič adznačaje, što całkam vyvieści nadpis mahčyma, choć dakładny termin zaležyć ad asablivaściaŭ hajeńnia.
«Adnaznačna kazać niešta napierad — vielmi składana. Toje, što tam možna budzie zrabić adčuvalny prahres — heta dakładna. My budziem rabić usio mahčymaje, kab jaho źvieści da nula. Ja dumaju, rana ci pozna jaho ŭdasca da nula źvieści. Klučavoje pytańnie chutčej u tym, kolki heta moža zaniać času. Ja dumaju, što my vyjdziem na surjozny vynik, kali ŭžo budzie praktyčna niezaŭvažny hety nadpis, miesiacaŭ praz 6».
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Druhija režuć-ścirajuć.