Dźvie asoby zahinuli ŭ vyniku ŭdaru Izraila pa iranskim horadzie Kum, jašče čaćviora atrymali ranieńni, paviedamlaje izrailski partał Ynet sa spasyłkaj na ŚMI Irana.
Jak minimum adzin z zahinułych, mahčyma, pracuje na abjektach jadziernaj prahramy Irana.
U pravincyi Kum znachodzicca adzin z najbujniejšych i samych abaronienych abjektaŭ jadziernaj infrastruktury Irana — Fardo.
Taksama vybuchi prahučali ŭ Isfachanie, dzie raźmieščany jadzierny daśledčy kompleks.
Ranicaj armija abarony Izraila abjaviła ab novaj sieryi pavietranych udaraŭ pa terytoryi Irana ŭ adkaz na rakietny abstreł centralnaj častki Izraila nočču suboty, 21 červienia.
Astatki źbitaj rakiety, jak paviedamlali miascovyja žychary, upali na dach budynka ŭ Tel‑Avivie, ad čaho dom zahareŭsia. Pa paviedamleńniach izrailskaj miedycynskaj słužby, nichto nie paciarpieŭ.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary