Pucin adchilić ultymatum Trampa i rychtujecca da novaj eskałacyi va Ukrainie
Pahroza Donalda Trampa ŭvieści 100-pracentnyja myty suprać krain-pakupnikoŭ rasiejskaj nafty i 50-dzionny ultymatum z patrabavańniem spynić ahoń, nie zmahli paŭździejničać na myśleńnie Uładzimira Pucina. Jaho nie pałochaje pierśpiektyva ŭzmacnieńnia strohaści amierykanskich sankcyj i jon nastrojeny praciahvać vajnu da taho času, pakul Zachad nie pahodzicca na jaho ŭmovy ŭrehulavańnia, raskazali Reuters try blizkija da Kramla krynicy.
Pavodle źviestak Reuters, rasijskija vojski praciahvajuć nastupleńnie, i ciapier pad ich kantrolem užo piataja častka terytoryi Ukrainy. U suviazi z hetym, jak ličać surazmoŭcy ahienctva, Pucin moža pašyryć svaje terytaryjalnyja patrabavańni. U najbližejšyja miesiacy mahčymaja novaja eskałacyja vajny.
Adna z krynic zajaviła, što Pucin budzie vajavać da taho času, pakul ukrainskaja abarona nie razvalicca, navat niahledziačy na vializnyja straty, jakija zachodnija raźviedki aceńvajuć u miljon zabitych i paranienych.
Adzin z surazmoŭcaŭ adznačyŭ, što Rasija dziejničaje zychodziačy z taho, što Ukraina słabieje. Kali Pucinu ŭdasca ŭziać pad poŭny kantrol usie čatyry anieksavanyja vobłaści i sustreć mocny supraciŭ, nastupleńnie moža spynicca. Ale kali front Ukrainy abvalicca, to nastup moža praciahnucca ŭžo na Dnieprapiatroŭsk, Sumy i Charkaŭ.
Pucin taksama praciahvaje patrabavać jurydyčnych harantyj, što NATA nie budzie pašyracca na ŭschod, što zachoplenyja terytoryi zastanucca za Rasijaj, što ŭkrainskaja armija budzie abmiežavanaja, a ruskamoŭnaje nasielnictva atrymaje «abaronu». Jon nibyta hatovy vieści pieramovy pra harantyi biaśpieki dla Ukrainy ad inšych krain, ale jak heta budzie vyhladać na praktycy — pakul niezrazumieła.
Krynicy taksama kažuć, što Pucin pierakanany: ź im dahetul nichto surjozna nie abmiarkoŭvaŭ umovy miru, u tym liku ZŠA. Tamu jon maje namier praciahvać vajnu, pakul nie atrymaje žadanaje.
Akramia taho, jon miarkuje, što Rasija maje pieravahu nie tolki na froncie, ale i ekanamičnuju — vytvorčaść bojeprypasaŭ i zbroi ŭ Rasii, pavodle jaho infarmacyi, vyšejšaja, čym va ŭsich krain NATA razam uziatych.
Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii
Kreml ab apošnich zajavach Trampa: Nam patrebny čas dla analizu
«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi
Pucin papiaredziŭ Trampa, što ŭ nastupnyja 60 dzion płanuje čarhovy nastup na ŭschodzie Ukrainy
Tramp zajaviŭ, što Zialenski nie pavinien nanosić udary pa Maskvie, a dalnabojnych rakiet Ukrainie jon nie daść
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki6
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Łapidarno (s) poźniak