U MNS raspaviali pra nastupstvy ŭčorašniaj niepahadzi: paškodžańni, padtapleńni, pavalenyja drevy
15 lipienia na terytoryju Biełarusi abrynuŭsia livień z navalnicami. Najbolš paciarpieli ad pryrodnaj stychii ŭ Minskim, Viciebskim i Homielskim rehijonach.
U stalicy z 13:20 da 18:00 vypała 45 mm apadkaŭ — dvajnaja norma, što vyklikała padtapleńni 17 učastkaŭ daroh, 4 pryvatnych damoŭ, padvała šmatkvaternaha doma i troch administracyjnych budynkaŭ.
Pavodle «Minsktransa», nadvorje vyklikała pieraboi ŭ pracy hramadskaha transpartu.
U Žłobinie za hadzinu vypała 32,7 mm apadkaŭ, što pryviało da padtapleńnia pryvatnaha doma na vuł. Čkałava.
Uviečary adbylisia dźvie avaryjnyja situacyi na darohach Viciebščyny. U 19:40 u Brasłaŭskim rajonie z-za daždžu na darohu źjechaŭ ziemlany adkos z raślinnaściu, ruch byŭ pierakryty i adnoŭleny paśla ačystki prajeznaj častki.
A 22:07 kala v. Haradniany adbyŭsia padmyŭ i razbureńnie ŭčastka darohi N-2306, prajezd byŭ začynieny, arhanizavany abjezd, tam iduć ramontnyja pracy.
U Minskim rajonie, pablizu ahraharadka Łuhavaja Słabada, na terytoryi filijała «Minski» AAT «Ahrakambinat «Dziaržynski» paškodžany dachi dvuch sielskahaspadarčych budynkaŭ.
Akramia taho, zafiksavany try vypadki padzieńnia dreŭ: adzin — u Viciebskaj vobłaści, dva — u Minsku. U Połacku ad padzieńnia dreva byŭ paškodžany lehkavy aŭtamabil.
Pa dadzienych MNS, nichto ź ludziej nie paciarpieŭ.
Kamientary