Dačka Styva Džobsa vyjšła zamuž za końnika. Na viasielli śpiavaŭ Ełtan Džon
Iŭ Džobs vyjšła zamuž u minułyja vychadnyja — za spartsmiena-kankurysta Hary Čarlza. Viasielle prajšło ŭ raskošnym hateli Estelle Manor i abyšłosia, pa čutkach, bolš čym u 6 miljonaŭ dalaraŭ, piša Bild.
Adno tolki hadzinnaje vystupleńnie Ełtana Džona, pa źviestkach The Sun, kaštavała 1,3 miljona dalaraŭ.
Uračystaść apłaciła, vierahodna, maci niaviesty — udava Styva Džobsa Łaryn Paŭeł Džobs. Uspadkavanaje joju bahaćcie, pavodle źviestak Forbes, aceńvajecca prykładna ŭ 15 miljardaŭ dalaraŭ (uklučajučy akcyi Walt Disney i Apple). Dzieci ž Džobsa aficyjna nie atrymali ničoha — pa žadańni baćkoŭ, jany zarablajuć samastojna. Adnak, miarkujučy pa viasielli, zrazumieła — kali finansava pryciśnie, to mama pobač.
U 2021 hodzie Iŭ Džobs atrymała dypłom pa historyi ŭ Stenfardskim univiersitecie (navučańnie taksama apłaciła maci). Akramia taho, jana vystupaje ŭ spabornictvach pa vierchavoj jaździe na najvyšejšym uzroŭni i pieramahaje na mižnarodnych turnirach. Džobs stała piataj siarod najlepšych końnic śvietu va ŭzroście da 25 hadoŭ.
U apošnija try hady jana taksama paśpiachova pracuje madellu, udzielničaje ŭ kampanijach dla Louis Vuitton, była na vokładcy Vogue i vychodzić na podyum pa ŭsim śviecie.
Jaje ŭłasnaje bahaćcie aceńvajecca ŭ sumu ad 500 tysiač da adnaho miljona dalaraŭ ZŠA. Zarablaje jana i jak madel, i jak spartoviec — pryzavyja na konnych turnirach mohuć składać bolš za 100 000 dalaraŭ za pieramohu.
Zabiaśpiečany i muž Iŭ Džobs Hary Čarlz. 26-hadovy brytaniec — alimpijski čempijon 2024 hoda pa kankury. Jahonaje bahaćcie aceńvajecca ŭ sumu ad 0,6 da 2,5 miljonaŭ dalaraŭ.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary