Staryja sandali Styva Džobsa pradali amal za 220 tysiač dalaraŭ
Styŭ Džobs nazaŭsiody pakinuŭ śled u technałahičnaj industryi. Niadaŭna inšaja jaho spadčyna — para nošanych sandalaŭ marki Birkenstock, na jakich usio jašče zachoŭvajucca adbitki jaho noh — była pradadzienaja na aŭkcyjonie pa rekordna vysokaj canie.
Lubimyja zamšavyja sandali Styva Džobsa, jakija jon nasiŭ u 70-80-ja hady, byli pradadzienyja na hetym tydni amal za 220 tysiač dalaraŭ. Pa danych aŭkcyjonnaha doma, heta stała samaj vialikaj sumaj u historyi, jakuju zapłacili za paru sandalaŭ, piša Guardian.
Na svaim sajcie aŭkcyjonny dom Julien's Auctions piša: «Na korkava-džutavaj vuściłcy zachavalisia adbitki noh Styva Džobsa, što sfarmavalisia za šmat hadoŭ našeńnia».
Džobs nasiŭ sandali Birkenstock Arizona, kali žyŭ u domie ŭ Kalifornii, dzie ŭ 1976 hodzie jon i Styŭ Voźniak zasnavali kampaniju Apple. Čakałasia, što hety abutak, jaki siońnia možna nabyć u kramie za 125 dalaraŭ, moh być pradadzieny za 60 tysiač dalaraŭ. Ale ž vynikovaja cana skłała 218 750 dalaraŭ, za jakija nienazvany pakupnik taksama atrymaŭ i adpaviedny NFT.
Aŭkcyjonny dom śćviardžaje, što Džobs nasiŭ hetyja sandali ŭ šmatlikija važnyja momanty historyi Apple. Naprykład, u 1976 hodzie «jon razam z suzasnavalnikam Apple Styvam Voźniakam u haražy [horada] Łos-Altas pakłaŭ pačatak kampjutaru Apple», i tam jon čas ad času nadziavaŭ hetyja sandali.
Jany byli adnoj z asnoŭnych častak harderoba zasnavalnika Apple, i byłaja žančyna Džobsa raskazvała, što jon nasiŭ sandali navat zimoj, heta byŭ elemient jaho ŭniformy. «Najlepšaje va ŭniformie — toje, što vam nie treba turbavacca, što načapić ranicaj», — zaŭvažyła tady Krysan Brenan.
Čytajcie taksama:
Staryja draŭlanyja damy ŭ haradach. Viadoma, što ź imi robiać u Biełarusi. A voś što zrabili ŭ Talinie
Baskskaja piśmovaja mova «pastareła» na tysiačahodździe
Zadača na łohiku: try vyklučalniki i adna lampačka
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary