Jaho abvinavačvajuć u machlarstvie. Nibyta palityk pazyčyŭ u niekaha hrošaj, ale nie addaŭ.
Jaho abvinavačvajuć u machlarstvie. Nibyta palityk pazyčyŭ u niekaha hrošaj, ale nie addaŭ.
Da baćkoŭ kaardynatara Ruchu «Za Svabodu» pa Hrodzienskaj vobłaści Alesia Zarembiuka pryjšli ź pieratrusam.
Baćki žyvuć u Mastach u pryvatnym domie. Razam z kadebistami ŭ dom pryjšli i ludzi z kamieraj, jakija staranna ŭsio filmujuć. Pakul ničoha nie kanfiskavana.
Baćkam paviedamili, što suprać Alesia zaviedzienaja kryminalnaja sprava pa artykule «Machlarstva». Nibyta Zarembiuk pazyčyŭ u niekaha hrošaj, ale nie addaŭ. Baćkam pakazali pastanovu, ale całkam začytać nie dali.
Ciapier pieratrus adbyvajecca i ŭ chacie Zarembiuka. Taćcianie zabaraniajuć karystacca mabilnaj suviaźziu.Taksama da žonki Alesia Zarembiuka na pracy(jana pracuje lekaram u Vaŭkavysku) pryjšli dva supracoŭniki KDB. Jany zabrali žančynu z pracy i pavieźli ŭ Masty.
Zvaniŭ kadebist i da Alesia, i vyklikaŭ jaho na dopyt, ale palityk zaraz znachodzicca nie ŭ Mastach. I zhadziŭsia pryjści na dopyt tolki ŭ paniadziełak.
Prykładna a 17:00 mašynu Alesia Zarembiuka zatrymali supracoŭniki DAI pobač z Ašmianami, kali jon viartaŭsia ŭ Masty.
Sam Zarembiuk źviazvaje heta z svaim udziełam u miascovych vybarach. Na hetym tydni jon užo byŭ u KDB, dzie aktyvista sprabavali abvinavacić u nielehalnym handli vizami. Da hetaha havorka išła pra handal narkotykami i zhvałtavańni.
Kamientary