Alaksandr Łukašenka prapanavaŭ Kitaju budavać u Biełarusi ciapličnyja kompleksy, a vyraščanuju pradukcyju pastaŭlać nie tolki na ŭnutrany rynak, ale i za miažu, u tym liku ŭ sam Kitaj. Pra heta išła havorka na sustrečy z pradstaŭnikami šerahu kitajskich kampanij u Piekinie, paviedamlaje BiełTA.
Łukašenka pravioŭ asobnuju razmovu z kiraŭnictvam kampanii «Šańdun Lisente Ahratechnoładžy» na čale sa staršynioj praŭleńnia Vanam Šaubo.
«Vielmi pryjemnaja sustreča nie tolki tamu, što ja maju niejkaje dačynieńnie da ziamli, ale i tamu, što, vyvučyŭšy vašyja mahčymaści, vy dla nas vielmi cikavyja. I navat niahledziačy na toje, što sielskaja haspadarka ŭ nas maje vielmi vysoki ŭzrovień raźvićcia i mnohija pradukty charčavańnia my pastaŭlajem u Kitaj», — adznačyŭ Łukašenka.
Jon raskazaŭ, što hetaja kampanija ŭžo nie navičok na rynku Biełarusi, supracoŭničaje sa Śvietłahorskim CKK. U minułym hodzie pamiž bakami byŭ padpisany kantrakt na budaŭnictva ciaplicy 4-ha pakaleńnia dla vyroščvańnia tamataŭ.
«Vy vielmi intensiŭna i aktyŭna supracoŭničajecie z našymi rehijonami. U vas najnoŭšyja technałohii, nakolki ja vałodaju situacyjaj, pa prajektavańni, budaŭnictvie i ekspłuatacyi ciapličnych kompleksaŭ. Tamu my vas čakajem u Biełarusi. Ziemli i hleby, prydatnaj dla ciaplic, u nas chapaje. Kali vy vykarystoŭvajecie štučnaje arašeńnie i padkormku raślin, my trochi ŭmiejem heta rabić. Ludzi, jakija zdolnyja pracavać na hetych kompleksach, u Biełarusi jość», — adznačyŭ Łukašenka.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści38
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary