U Afhanistanie skončyli ratavalnuju apieracyju paśla mocnaha ziemlatrusu
Kolkaść zahinułych ad ziemlatrusu ŭ Afhanistanie ŭzrasła da 2204 čałaviek, jašče kala 4 tysiač atrymali ranieńni. Pra heta paviedamiŭ telekanału Al Jazeera hubiernatar pravincyi Kunar Kudratuła Abu Chamza.
Ziemlatrus mahnitudaj 6,0 adbyŭsia viečaram 31 žniŭnia i zakranuŭ niekalki hornych pravincyj na ŭschodzie krainy. Najbolš paciarpieła pravincyja Kunar, dzie było razburana kala 8 tysiač damoŭ, zbudavanych pieravažna z hliny i dreva.
Ułady sutyknulisia z vostraj niastačaj časovych schoviščaŭ dla ludziej, jakija zastalisia biez dachu nad hałavoj. Spačatku paviedamlałasia pra 500 achviar, ale z časam ličby značna vyraśli.
Misija AAN adznačyła, što ratavalniki zmahalisia z časam, kab prabracca ŭ addalenyja hornyja rajony i vyratavać tych, chto apynuŭsia pad zavałami. Afhanistan źviarnuŭsia pa dapamohu da inšych krain. Adhuknulisia Kitaj, Indyja i Šviejcaryja. Vialikabrytanija paabiacała 1 miljon funtaŭ sterlinhaŭ, ale padkreśliła, što srodki buduć pieradadzienyja praz partniorskija arhanizacyi, kab jany nie trapili ŭ rasparadžeńnie ruchu «Taliban», jaki ciapier kiruje krainaj.
Situacyju ŭskładniaje toje, što ZŠA ŭ pačatku 2025 hoda spynili humanitarnuju i finansavuju padtrymku Afhanistana. U vyniku ŭ krainie zakryłasia bolš za 420 miedycynskich ustanoŭ, u tym liku kala 80 — u rehijonie, jaki najbolš paciarpieŭ ad ziemlatrusu. Heta pryviało da pierahružanaści balnic pa ŭsioj krainie.
Heta ŭžo treci bujny ziemlatrus u Afhanistanie paśla prychodu da ŭłady «Talibana» ŭ 2021 hodzie. Akramia hetaha, kraina pieražyvaje zasuchu, niedachop praduktaŭ i rost kolkaści biežancaŭ, jakija viartajucca ź Irana i Pakistana.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary