Rada BNR uznaharodziła miedalami 75 biełaruskich dobraachvotnikaŭ, što vajujuć va Ukrainie
U dzień Biełaruskaj vajskovaj słavy Rada Biełaruskaj Narodnaj Respubliki ŭznaharodziła miedalami «Za bajavyja zasłuhi» niekalki dziasiatkaŭ dobraachvotnikaŭ u składzie Uzbrojenych siłaŭ Ukrainy.
«U 1514 hodzie našyja prodki pieramahli našmat bolšaje maskoŭskaje vojska, — havorycca ŭ zvarocie staršyni Rady BNR Ivonki Surviłły. — Siońnia mužnaść vyjaŭlajecie vy, zmahajučysia suprać rasijskich ahresaraŭ va Ukrainie. Mienavita ŭ hetaj bitvie vyrašajecca i los Biełarusi, i budučynia ŭsiaho jeŭrapiejskaha kantynienta».
Za asabistuju advahu ŭznaharodžanyja bajcy Pałku Kalinoŭskaha i padraździaleńnia «1514», usiaho 75 čałaviek, ź ich 12 aficeraŭ adznačanyja aficerskimi (załatymi) miedalami. Dzieviać bajcoŭ uznaharodžanyja paśmiarotna.
U minułyja hady Rada BNR uznaharodžvała biełaruskich dobraachvotnikaŭ, jakija zmahajucca z rasijskimi ahresarami va Ukrainie, miedalami Ordena Pahoni i miedalom Za bajavyja zasłuhi.
Bajec Pałka Kalinoŭskaha, adzin z zasnavalnikaŭ «Biełaha lehijona» Mirasłaŭ Łazoŭski i bajec Druhoha internacyjanalnaha lehijonu Zbrojnych siłaŭ Ukrainy Maryja Zajcava byli paśmiarotna ŭhanaravanyja Ordenam Žaleznaha Rycara.
Kamientary