Nuncyju i viciebskamu biskupu nie dazvolili sustrecca sa źniavolenymi katalickimi śviatarami
Apostalski nuncyj u Biełarusi (dypłamatyčny pradstaŭnik Vatykana) i biskup Viciebski sprabavali naviedać źniavolenaha ŭ kałonii śviatara ajca Andžeja Juchnieviča, jaki słužyŭ u Viciebskaj dyjacezii.
Vierahodna, nuncyj taksama mieŭ namier sustrecca z druhim asudžanym biełaruskim śviatarom, ksiandzom Hienrycham Akałatovičam, jaki znachodzicca ŭ toj ža kałonii, što i ajciec Andžej, piša katolik.life.
Jak daviedalisia vierniki z krynic, jakija zasłuhoŭvajuć davieru, dypłamat Vatykana arcybiskup Ińjacya Čefalja i biskup Aleh Butkievič pryjazdžali ŭ kałoniju ŭ Babrujsku, ale im tam admovili ŭ spatkańni ź źniavolenymi śviatarami. Pa jakoj pryčynie i ci była papiaredniaja damoŭlenaść pra toje, što sustreču dazvolać — viernikam nieviadoma.
Akramia taho, u viernikaŭ zastajecca nadzieja, što chutki vizit u Biełaruś kardynała, byłoha nuncyja ŭ Biełarusi Kłaŭdya Hudžeroci zmoža paŭpłyvać na jak maha chutčejšaje vyzvaleńnie śviataroŭ.
Nahadajem, Hienrych Akałatovič asudžany na 11 hadoŭ, Andžej Juchnievič na 13 hadoŭ.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary